PDK tha se Kuvendi është kapur nga “Syri i Popullit”, reagon Albulena Haxhiu

Partia Demokratike e Kosovës përmes një komunikate për media ka thënë se Kuvendi është kapur nga “Syri i Popullit”, duke kërkuar që Glauk Konjufca të tregoj lidhjet që ka me të dënuarin Sadri Ramabaja.

Lidhur me këtë ka reaguar deputetja e LVV-së, Albulena Haxhiu.

Haxhiu përmes një postimi në Facebook ka thënë se PDK duhet të mësohet me ndryshimin pozitiv që ka ndodhur në Kuvend.

“Dikur shpifnin se ka qenë në “SHIK” e tash shpifin se ka lidhje me organizatën “Syri i Popullit””, ka shkruar Haxhiu.

Lexo po ashtu PDK: Kapja e Kuvendit nga “Syri i Popullit”, Konjufca të tregojë lidhjet familjare me të dënuarin Ramabaja

Postimi i plotë:

Sa përpjekjet e dështuara me qëllim të njollosjes së figurës së Glauk Konjufcës!

Dikur shpifnin se ka qenë në “SHIK” e tash shpifin se ka lidhje me organizatën “Syri i Popullit”.

Për ta ndalur këtë abuzim, Gjykata duhet sa më parë të trajtoj padinë për shpifje për rastin e parë ndërsa prokuroria sa më parë të trajtoj kallëzimin penal kundrejt Thaçit e Veselit për deklaratat e rreme nën betim të penalizuar në Kodin Penal.

Zgjedhja e Glaukut në pozitën e Kryetarit të Kuvendit, ia ka kthyer dinjitetin Kuvendit.

PDK duhet të mësohet me këtë ndryshim pozitiv. /Telegrafi/