Marrëveshja e Prespës, njëra prej pikave konfrontuese në fushatën parazgjedhore
Marrëveshja e Prespës, sipas të gjitha paralajmërimeve do të jetë top temë edhe e zgjedhjeve të ardhshme të parakohshme parlamentare. Edhe pse me këtë marrëveshje hapet rruga për anëtarësimin e vendit në NATO dhe për fillimin e negociatave me Unionin,
pushteti dhe opozita edhe gjatë fushatës zgjedhore të ardhshme do të konfrontohen për përparësitë dhe dobësitë e tij.
Kryetari i LSDM-së, Zoran Zaev, dje deklaroi se shfuqizimi i Marrëveshjes së Prespës me Greqinë, të cilën e paralajmëroi OBRM-PDUKM, do të jetë i rrezikshëm dhe mund ta kthejë vendin për 25 vjet mbrapa. Kryeministri i deridjeshëm i Maqedonisë së Veriut, shtoi se nuk beson në fitoren e OBRM-PDUKM-së në këto zgjedhje, aq më pak se kjo parti do ta fitojë shumicën prej 2/3 për ta ndryshuar marrëveshjen.
“A është e vetëdijshme OBRM-PDUKM se çfarë do të ndodhë nëse shfuqizohet Marrëveshja e Prespës? Shfuqizimi do të na rikthente 25 vjet mbrapa, dhe do ta kthente IRJM apo FYROM, emër me të cilin u emëruam në kurriz të emrit kushtetues. Kjo do të nënkuptonte heqjen e anëtarësimit në NATO, humbjen e perspektivës së BE-së, humbjen e miliarda eurove investime. Pa marrëveshjen e Prespës, mbështetja nga partnerët tanë strategjikë do të zhduket, bllokada të reja nga Greqia, jostabilitet i ri i brendshëm dhe rreziqe për konflikte”, tha Zaev në konferencën për media.
Ai shtoi se shfuqizimi i Marrëveshjes është punë e rrezikshme dhe se për shkak kësaj i tërë opinioni demokratik dhe LSDM-ja janë këtu të garantojnë se marrëveshja e Prespës do të jetojë, dhe se do të sjellë ardhmëri për vendin tonë.
Duke e komentuar deklaratën e Zoran Zaevit, nënkryeari i OBRM-PDUKM-së, Vllado Misajllovski tha se ata nuk kanosen, por e thonë atë që e mendojnë qytetarët dhe ata si subjekt politik.
“Ne megjithatë qëndrojmë pas asaj se kjo marrëveshje është e dëmshme. Dhe do të jetë e dëmshme dhe do të mbetet e dëmshme pasi e prek identitetin, e prek gjithë atë që është maqedonase. Dhe por është e vërtetë ne disa herë themi se nëse qytetarët na japin mundësi ne do të kërkojmë ta rishikojmë. Nuk e kërcënojmë askënd dëshirojmë të kemi miq kudo, por nënkuptohet nuk duhet të turpërohemi nga ajo që jemi dhe asnjëherë nuk do të turpërohemi. ne jemi maqedonas dhe do të mbetemi maqedonas kudo që jemi”, deklaroi
Misajllovski.
Megjithatë për opinionin e gjerë përdorimi i Marrëveshjes së Prespës, në fushatën politike nuk është asgjë e re. Dispozitat e kësaj Marrëveshje të nënshkruar në qershor të vitit 2018, kanë qenë pjesë e pashkëputshme e fushatës parazgjedhore për njeriun e parë të shtetit, gjegjësisht për zgjedhjet presidenciale në vitin 2019.
Promo
Reklamo këtuLufta Prigozhin - Putin
Më shumëDita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe