Capital T më 15 janar publikon albumin e ri “Skulpturë”

Reperi i njohur i skenës shqiptare, Capital T, vitin që lamë pas bëri bujë në estradë duke sjellë kështu plot 11 projekte të reja që u mirëpritën nga publiku.

Edhe pse tashmë veçse kemi hyrë në vitin 2020, ai ka gati albumin e ri, të cilin pritet të sjellë më 15 janar.

Këtë e bëri të ditur përmes një postimi të ndarë me ndjekësit në rrjetin social, Instagram, ndërsa prezanton një video për fansat e tij.

https://www.instagram.com/p/B68RRXShlUj/

“Është koha e albumit, çdo projekt tash e mas është prej “Skulpture” kjo që po nihet thirret “600PS” dhe publikohet më 15 janar në ora 15:15”, ka shkruar mes të tjerash ai.

Lexo po ashtu Capital T sjell një përmbledhje të projekteve që solli në 2019, ndërsa uron Vitin e Ri

“Albumit kam vendosur ti lë emrin “Skulpturë”. Skulptura është vepër e artit, është diçka që krijohet me mund, krijohet me forcë, krijohet me pasion e dashuri dhe unë konsideroj që këtë album e kam gdhendur ngadalë në detaje për të sjellë më të mirën për njerëzit që e duan muzikën time”, tha 28-vjeçari në një nga intervistat e tij të fundit.

Ndërkohë, i njëjti mori komente të shumta nga ndjekësit që duket se mezi po presin edhe për këto projekte të Kapos.

https://www.instagram.com/p/B6_eadqh2Y2/

Ky është albumi i katërt i Capital T, i cili besohet se do të pëlqehet nga publiku marrë parasysh sukseset e tij të deritanishme.

Ai vitin e kaluar u përfol mjaft shumë edhe për koncertin “TIME CAPSULE” të mbajtur në Tiranë pasi ishte në tjetër nivel ngaqë ishim mësuar të shohim. /Telegrafi/