Opozita propozoi ministër teknik, pushteti me dilema nëse është ai në përputhje me Kushtetutën

Dje opozita emëroi ministrin e ri teknik për Punë të Brendshme, ndërsa qeveria ngriti çështjen nëse është në përputhje me kushtetutën, pasi u tha se ishte person ushtarak. Takimet e mbrëmshme midis qeverisë dhe opozitës ishin të parat në prag të themelimit të qeverisë teknike, dhe siç tha lideri i OBRM-PDUKM-së, Hrisitijan Mickoski, ata do të shpallnin edhe propozimet për resorët e tjerë ditën e hënë.

Mickoski dje zhvilloi takime të ndara me kryeministrin Zoran Zaev dhe liderin e BDI-së Ali Ahmetin, duke u propozuar ministrin e ri teknik për MPB, duke theksuar se ai është një profesionist jashtëzakonshëm me një karrierë të pasur të shërbimeve ku ka punuar deri më tani.

“Folëm për emrin e kandidatit, e prezantuam, prezantuam biografinë e personit dhe në interes të konsultave shtesë që duhet të kryente, unë nuk do ta përmendja akoma propozimin tonë, ne u pajtuam që pas rreth një ore ose një orë gjysmë të dëgjohemi në telefon për konfirmimin përfundimtar. Por në fillim nuk kishte vërejtje si dhe as nuk kishte komente shtesë”, tha Mickoski.

Zaev, pas takimit me Mickoski, për propozimin e ministrit të ri të MPB-së deklaroi se është person ushtarak dhe rrjedhimisht ka dilema nëse e lejon Kushtetuta sipas nenit 97, Ligji për shërbimin në ushtri dhe Ligjin për shërbimin në Ministrinë e Brendshme. Ai tha se ata do të këshillohen me ekspertë për këtë çështje. Nuk kanë, siç tha ai, paragjykime për kandidatin, është e drejta e opozitës dhe se për herë të parë e ka dëgjuar këtë emër edhe pse është kolonel në ushtri./Telegrafi/