Mësohen e emrat e anëtarëve të jurisë në ‘Top Talent 3’

‘Top Talent 3’ do të nisë në muajin janar 2020 dhe ky program me fokus zbulimin e talentëve në disa zhanera do jetë në transmetim për 10 javë rresht çdo të premte.

Ori Nebijaj do të jetë moderatorja e këtij edicioni pas disa eksperiencave të suksesshme në formate të ndryshme.

Juria këtë sezon do jetë tërësisht të re. Këtë sezon nuk do të jenë pesë anëtar jurie, si në dy edicionet e kaluara, por katër anëtarë jurie, transmeton Top Channel.

Olti Curri personazh radifonik prej 18 vitesh, autor tekstesh të këngëve fituese në disa festivale, bloger i parë me një popullaritet ndjekësish do të jetë në panelin e jurisë këtë sezon.

Jonida Vokshi, aktore, prezantuese e suksesshme dhe e dashur për publikun i bashkohet këtë sezon Top Talent në juri.

Hervin Culi, regjisor, aktor i njohur, drejtor i Teatrit Kombëtar do të jetë anëtar tjetër i jurisë.

Anita Haradinaj, gazetare dhe spikere e suksesshme e ekranit në Kosovë, do të jetë anëtare e jurisë së Top Talent.

Përfshirja e disa kategorive në këtë edicion të tretë të Top Talent është një risi. Gjeografia është zgjeruar dhe do të ketë shumë pjesëmarrës nga Shqipëria e Kosova.