Kim Jong Un e kishte paralajmëruar për “një dhuratë për Krishtlindje”, Trump tregon se çfarë do të dëshironte

Me Uashingtonin dhe Pyongyang duke treguar pak përparim në bisedimet e tyre për denuklearizimin, Koreja e Veriut i dërgoi SHBA-së një paralajmërim për një “dhuratë të Krishtlindjes” – por dhurata mund të jetë thjesht një dekor i ri, tha të martën presidenti Donald Trump.

Trump, duke folur para gazetarëve pasi mbaroi një telefonatë në prag të Krishtlindjes me trupat amerikane nga Palm Beach Mar-a-Lago, ka bërë shaka rreth retorikës së ndjekur nga vendi diktatorial rreth armëve bërthamore edhe pasi disa ekspertë kanë frikë se “dhurata” mund të jetë një provë armësh, shkruajnë mediat e huaja, përcjell Telegrafi.

“Ne do të shohim se çfarë do të ndodhë”, ka thënë Trump kur u pyet se çfarë do të bënte nëse udhëheqësi i Koresë së Veriut, Kim Jong Un, vendosë të testojë një raketë të re.

“Ndoshta është një dhuratë e këndshme. Ndoshta është një dhuratë ku ai më dërgon një vazo të bukur”, tha ai. “Mund të marr një vazo. Mund të marr një dhuratë të këndshme nga ai. Kurrë nuk i dihet”.

Një deklaratë e tillë vjen kryesisht pasi Ri Thae Song, zv.ministri i Punëve të Jashtme të Koresë së Veriut, i ngarkuar me çështjet e SHBA-së, tha më 3 dhjetor tha se “kufiri i fundvitit” në SHBA po afrohej, dhe “varet plotësisht nga SHBA se çfarë dhurate për Krishtlindje do të zgjedhë”, sipas Agjencisë Qendrore të Lajmeve Koreane, ose KCNA.

Nuk ishte e qartë se çfarë i referohej me “kufiri”, megjithatë Kim kishte thënë në një fjalim të prillit se do të presë deri në fund të këtij viti që administrata Trump të ndryshojë qasjen e saj për bisedimet e denuklearizimit me Pyongyang.

“Unë mendoj se Koreja e Veriut do të provojnë një raketë balistike ndërkontinentale”, ka thënë Harry Kazianis, një ekspert.

“Shpresoj të gaboj”, ka shtuar tutje ai. /Telegrafi/