Boga nuk pendohet për largimin nga Chelsea: Hazard, Pedro e Willian – nuk ishin më të mirë se unë

Jeremie Boga ka thënë se nuk është penduar për largimin nga Chelsea.

Anësori i Sassuolos madje bëri të ditur se Eden Hazard, Willian dhe Pedro nuk ishin më të mirë se ai në kohën kur ishte në Stamford Bridge.

22-vjeçari deklaroi se shkaku i hierarkisë, ai nuk luajti shumë te skuadra londineze, por që nuk është penduar që është larguar.

“Unë u transferoVa te Chelsea në moshën 12-vjeçare, pasi zbuluesit e lojtarëve të tyre më vunë re në një klub të vogël  në Marseille,” ka thënë ai në një intervistë për La Gazzetta dello Sport.

“Ishte shumë e vështirë, ato dy vitet e para, duke shkuar nga bregdeti i Marsejës në mjegullën e Londrës. Ushqimi ishte gjithashtu një problem serioz, pasi shkoja nga ushqimi me drithëra në mëngjes në një pjatë me vezë dhe proshutë. Ishte e pamundur të tretet”.

“Shokët e mi të skuadrës në ekipin e të rinjve te Chelsea ishin Tammy Abraham, i cili tani është sulmuesi kryesor tani, Ruben Loftus-Cheek, Charly Musonda … ne fituam Ligën e të rinjve të UEFA-s dhe Ligën Premier për gurpmoshat U21”.

“Nganjëherë pyes veten nëse do të kisha pritur më gjatë për shansin tim në Chelsea, por unë duhej të luaja rregullisht dhe isha pas Hazard, Pedro dhe Willian. Nuk është se ata ishin më të mirë se unë, por ata ishin përpara në hierarki.

Lexo po ashtu Barcelona e dëshiron Jeramie Bogan, por Chelsea ka klauzolë shumë të ulët për ta riblerë atë

“Jo, nuk pendohem. Antonio Conte nuk më foli shumë. Kur ai më dha debutimin tim kundër Burnley, gjithçka që ai tha ishte: “Është radha jote”, ka shtuar më tej Boga.

Anësori mund të rikthehet te Chelsea në verën e vitit 2020, pasi këta të fundit në klauzolën e tij kanë të drejtë t’i marrin sërish shërbimet nga Sassuolo për një shumë rreth 3,5 milionë euro. /Telegrafi/