Yll Limani publikon këngën e re “S’ki me m’pa”

Këngëtari i njohur shqiptar, Yll Limani, ka publikuar projektin e ri muzikor.

“S’ki me m’pa” mban titullin kjo këngë, ndërsa vjen në versionin audio, e shoqëruar me një video mjaft atraktive.

Projekti tanimë gjendet në platformën YouTube dhe besohet se do të mirëpritet nga fansat e artistit Limani, pasi që në orët e para të publikimit mori komente mjaft pozitive.

“Filloi si demo e punuar nga unë për dike tjetër, u shpërnda, u pëlqy dhe ja ku e keni si demo, në tërësi”, është përshkrimi që ka vënë 25-vjeçari në postimin e ndarë me ndjekësit në Instagram.

Ndërkohë, ky projekt pason pas “Pse je me to”, të cilin e solli me klip në muajin gusht dhe deri më tani ka kaluar shifrën e pesë milionë klikimeve.

Lexo po ashtu "Pse je me to", balada e re e Yll Limanit

Ylli jo më kot quhet edhe mjeshtri i baladave të dashurisë, meqë thuajse gjitha projektet e tij kanë arritur të rrëmbejnë zemrat e publikut.

https://www.instagram.com/p/B5BbD72Aca6/

Veç tjerash, i njëjti është shumë i kërkuar në mbrëmje dhe koncerte të ndryshme muzikore përreth trojeve shqiptare. /Telegrafi/