Cila është politika e SHBA-së për Ballkanin Perëndimor, si ta kuptojmë mbështetjen e SHBA-së për ndryshimin e kufijve midis Serbisë dhe Kosovës dhe a ka ndonjë përçarje midis BE-së dhe SHBA-së në rajon?
Në lidhje me këto dhe disa çështje të tjera ka folur Michael Carpenter, Drejtor i Lartë i “Penn Biden Center” për Diplomaci dhe Angazhim Global dhe ish-këshilltar për politikë të jashtme i ish-nënpresidentit të SHBA-së, Joe Biden.
Carpenter, siç shkruan “europeanwesternbalkans”, përcjell Telegrafi, duke folur rreth politikës së presidentit të tanishëm Donald Trump, ka thënë se “ka të dhëna të përziera”.
“Ka pasur disa suksese, si Marrëveshja e Prespës. Unë nuk do ta quaja sukses të Trump, por ajo ishte nën vëzhgimin e tij dhe ai e mbështeti atë, kështu që unë mendoj se është pozitive. Por, ka pasur gjithashtu një ngecje sa i përket dialogut Kosovë-Serbi dhe jo shumë përparim në fushat e tjera”.
“Administrata ka provuar qartë nën Wes Mitchell për të arritur disa zhvillime në Ballkan, kështu që ju keni pasur disa vëmendje nga (Mike) Pompeo dhe (John) Bolton, por në fund të ditës, nuk ka aq shumë për të treguar për përpjekjet e tyre”.
Ndërsa rreth raportimeve se “Trump ka nevojë për një sukses të politikës së jashtme para zgjedhjeve presidenciale në vitin 2020 dhe se normalizimi Kosovë-Serbi mund të jetë një sukses i tillë për administratën e tij” apo nëse “Ballkani Perëndimor nuk është aq i rëndësishëm për Trump”, Carpenter mendon se Trump me të vërtetë dëshiron një sukses të politikës së jashtme që ai mund të tregojë në vitin 2020.
“Dhe tentimet e tij në raport me Korenë e Veriut, Iranin, Venezuelën dhe Sirinë do të thonë se ai me të vërtetë ka nevojë për diçka pozitive për të qenë në gjendje të tregojë që ai ka pasur të paktën një sukses në politikën e tij të jashtme”.
Sigurisht, sipas Carpenter, Trump do të dëshironte të kishte një sukses në këtë çështje, por se nuk i sheh rrethanat që çojnë në një sukses në dialogun Kosovë-Serbi, përcjell Telegrafi.
“Jo për asnjë arsye që kanë të bëjnë me Trump, por thjesht për shkak të faktorëve të tjerë politikë midis dy vendeve. Dhe gjithashtu, ky dualitet i çuditshëm i emërimit të dy dërguesve që nuk mendoj se është një recetë për sukses. Pra, në thelb, unë nuk mendoj se Trump do të arrijë atë që dëshiron”, vlerëson Carpenter.
Fakti që (Richard) Grenell u emërua si i dërguar për dialogun Kosovë-Serbi, sipas Carpenter, është nga njëra anë një hap pozitiv, pasi dikush po emërohet për një temë kaq të rëndësishme të politikës së jashtme.
Por fakti që ai aktualisht po shërben edhe si ambasador amerikan në Gjermani për Carpenter nuk ka kuptim dhe ai mendon se administrata nuk po e merr seriozisht (këtë çështje).
“Kjo pasi SHBA nuk po emëron dikë që thjesht do të përqendrohet në këtë çështje, si, për shembull, Kurt Walker, i cili është përqendruar vetëm në Ukrainë. Kjo do të ishte një gjë e zgjuar për të bërë: të kesh dikë që është ekspert në Ballkan i përkushtuar për këtë çështje. Të emërosh Grenell nuk është serioze”, mendon Carpenter.
Ai është pyetur edhe rreth shkëmbimit të territoreve, përkatësisht rreth asaj nëse kjo shihet si një zgjidhje e shpejtë fikse apo është një evolucion afatgjatë i politikës amerikane.
Në këtë drejtim, Carpenter ka thënë se nuk mendon se administrata e mëparshme kishte një qëndrim mbi mundësinë e shkëmbimit, duke thënë se ka disa njerëz që janë për dhe njerëz të tjerë që janë mjaft me forcë kundër tij.
“Unë mendoj se mbështetja e administratës Trump për një shkëmbim të territorit vjen nga disa personazhe me ndikim në administratë si John Bolton dhe Wes Mitchell. Nuk e di nëse kjo është një bindje e ndarë nga të gjithë brenda administratës së Trump, por sigurisht që ata dy individë dhe më pas Pompeo u bind nga Mitchell, dhe ja ku jemi tani”.
Carpenter i ka hedhur një vështrim edhe “ndarjeve ndërmjet SHBA-së dhe Bashkimit Evropian”, kur bëhet fjalë për çështjet e Ballkanit Perëndimor.
“Unë mendoj se në aspektin strategjik nuk ka dallime midis asaj që SHBA dhe BE duan të arrijnë. Të paktën teorikisht, ne duhet të jemi në të njëjtën anë. Nuk ka asnjë arsye pse të mos jemi. Sigurisht, ka midis politikanëve të ndryshëm, ka dallime taktike, ne thjesht po flisnim për dallime taktike se si t’i qasemi Kosovës dhe Serbisë në mesin e politikanëve brenda krijimit të politikës së jashtme amerikane. Është e arsyeshme që ka qasje të ndryshme edhe në Atlantik”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Human Rights Network dënon sulmin e ministrit Hekuran Murati ndaj mediave dhe shoqërisë civile
Gutierres: Raporti për median aspak befasues, ftojmë Qeverinë që t’i mbrojë gazetarët në vend se t’i sulmoj ata
Podujeva do të bëhet më Zonë Industriale, ministrja Hajdari dhe kryetari Bulliqi nënshkruajnë marrëveshjen në vlerë prej rreth 4 milionë euro
25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe