Kosovë – Angli, kompania që merret me shitjen e biletave vjen me njoftim të ri

Përfaqësuesja e Kosovës do t’i zhvillojë dy ndeshje të rëndësishme këtë muaj në kuadër të eliminatoreve për Kampionatin Evropian ‘Euro 2020’.

Fillimisht, më 14 nëntor, Kosova i shkon Çekisë në Plzen, kurse tri ditë më vonë e pret Anglinë në Prishtinë.

Një ditë para se të fillojë shitja e biletave, kompania që merret me menaxhimin e tyre ‘tiks.app’ ka dhënë një njoftim të rëndësishëm për tifozët.

“Ju rikujtojmë se biletat online dalin në shitje nesër nga ora 16:00”, thuhet fillimisht në njoftim.

https://www.facebook.com/tiksapp/photos/a.335710847180976/565342600884465/?type=3&theater

Tutje, kompania në fjalë ka treguar edhe njëherë për kërkesat e larta për bileta, duke cekur se vetëm 5.5% të kërkuesve arrijnë të sigurojnë biletë.

“Kërkesa për biletat e ndeshjeve të Kosovës është shumë e madhe. Statistikisht, vetëm 5.5% të kërkesave online arrijnë të sigurojnë biletë”, tregon më tej kompania.

Shitja e biletave për ndeshjen me Anglinë fillon nesër me fillim nga ora 16:00. /Telegrafi/