Kurti takon Richardoson, flasin për prioritetet e qeverisjes së re

Lideri i Lëvizjes Vetëvendosje, Albin Kurti, së bashku më antarën e kryesisë së LVV-së, Arbërie Nagavci, kanë takuar Koordinatoren për Zhvillim nga zyra e OKB-së në Prishtinë, Ulrika Richardson, dhe Udhëheqësin e Zyrës së saj, Lorik Pustina.

Në këtë takim Richardson ka uruar Kurti për mbarëvajtjen dhe rezultatin e procesit zgjedhor dhe ka shprehur dëshirën që sa më parë të formohen institucionet e reja në mënyrë që t’i hapet rrugë bashkëpunimit dhe projekteve të përbashkëta zhvillimore.

Sipas njoftimit në faqen zyrare të LVV-së, ajo ka thënë se se prioritet i UNKT-së është partneriteti me Kuvendin dhe Qeverinë e Kosovës, bashkëpunimi për programet e shtyrjes së Objektivave të Zhvillimit të Qëndrueshëm (SDG) në Kosovë, si dhe mbështetja e projekteve zhvillimore të qeverisë së re në të ardhmen.

Ndër të tjera në njoftim thuhet se Kurti duke shprehur bindjen se shumë shpejtë do të formohen institucionet e reja dhe do të vendosen marrëdhëniet e bashkëpunimit, e njoftoi Richardson me prioritetet e qeverisë së re, për një shtetndërtim demokratik me sundim të ligjit ku luftohet korrupsioni i lartë institucional dhe ku çështje primare është si krijimi i vendeve të reja të punës ashtu edhe zbutja e pabarazive shoqërore përmes politikave sociale.

“Kryetari Kurti, së bashku me anëtaren e Kryesisë së Lëvizjes, znj. Arbërie Nagavci priti sot në takim Koordinatoren për Zhvillim nga zyra e OKB-së në Prishtinë, znj. Ulrika Richardson, dhe Udhëheqësin e Zyrës së saj, z. Lorik Pustina.
Znj. Richardson e uroi Kryetarin Kurti për mbarëvajtjen dhe rezultatin e procesit zgjedhor dhe shprehu dëshirën që sa më parë të formohen institucionet e reja në mënyrë që t’i hapet rrugë bashkëpunimit dhe projekteve të përbashkëta zhvillimore. Ajo e njoftoi Kryetarin Kurti se prioritet i UNKT-së është partneriteti me Kuvendin dhe Qeverinë e Kosovës, bashkëpunimi për programet e shtyrjes së Objektivave të Zhvillimit të Qëndrueshëm (SDG) në Kosovë, si dhe mbështetja e projekteve zhvillimore të qeverisë së re në të ardhmen.
Kryetari Kurti e falënderoi znj. Richardson për urimin dhe vizitën, duke shprehur bindjen se shumë shpejtë do të formohen institucionet e reja dhe do të vendosen marrëdhëniet e bashkëpunimit. Z. Kurti e njoftoi znj. Richardson me prioritetet e qeverisë së re, për një shtetndërtim demokratik me sundim të ligjit ku luftohet korrupsioni i lartë institucional dhe ku çështje primare është si krijimi i vendeve të reja të punës ashtu edhe zbutja e pabarazive shoqërore përmes politikave sociale. Rëndësi e veçantë, theksoi ai, do t’i kushtohet barazisë gjinore nëpërmjet edukimit, punësimit dhe ofrimit të mundësive të barabarta për gratë.
Në fund të takimit, palët u dakorduan ta vazhdojnë komunikimin dhe bashkëpunimin në të ardhmen”, thuhet në njoftimin e Lëvizjes Vetëvendosje./Telegrafi/