Kurti takohet me personalitete të rëndësishme në Gjermani

Në kuadër të vizitës dy ditore që është duke e bërë në Berlin, kryetari i Vetëvendosjes, Albin  Kurti ka takuar këshilltarin kryesor për politikë të jashtme dhe siguri të kancelares Merkel,  Jan Hecker, ministrin e Punëve të Jashtme të Gjermanisë Jens Uwe Plötner si dhe dy deputetët e SPD-së, Fritz Felgentreu dhe Nils Schmid.

Kurti përmes një shkrimi të bërë në Facebook, ka shkruar se në takimet e zhvilluar ka diskutuar për marrëdhëniet bilaterale Kosovë-Gjermani si dhe për sfidat e ardhshme të Qeverisë së re, transmeton Telegrafi.

“Në ditën e dytë të qëndrimit në Berlin takova këshilltarin kryesor për politikë të jashtme dhe siguri të Kancelares Merkel, z. Jan Hecker. Më pas vizitova edhe Ministrinë e Punëve të Jashtme të Gjermanisë për takimin me z. Jens Uwe Plötner, Drejtor Politik. Ndërkaq, në Bundestagun gjerman takova dy deputetë të SPD-së, z. Fritz Felgentreu dhe z. Nils Schmid.

Në të gjitha këto takime diskutuam për marrëdhëniet bilaterale Kosovë-Gjermani, si dhe për sfidat e qeverisë së ardhshme në fushat e drejtësisë, ekonomisë, integrimeve evropiane dhe të dialogut me Serbinë. Kosova te Gjermania e ka partnerin e mirë për shtet-ndërtim demokratik, sundim të ligjit dhe zhvillim të gjithëmbarshëm”, ka shkruar Kurti.

Po ashtu gjatë ditës së djeshme, Kurti ka zhvilluar takime të ndryshme me deputetët e Bundestagut gjerman./Telegrafi/