Dendias: Ne duam që të ekzistojë RMV, por të mos ofendojë traditën tonë kombëtare

Greqia ka një interes strategjik absolut për Ballkanin Perëndimor dhe do të veprojë në përputhje me rrethanat, ne nuk do t’ia lëmë këtë rastit, thotë Ministri i Jashtëm grek, Nikos Dendias në një intervistë për radion greke “Parapolitika” dhe shton se pas vendimeve të BE-së, vendi “nuk do të qëndrojnë as të dobët, as të heshtur, as indiferentë”, informon AIM nga Athina.

Ministri i Jashtëm grek tha se ata flasin në mënyrë specifike për të gjithë ata të përfshirë, menjëherë pas vendimit, ai foli me homologun e tij të Maqedonisë, Nikolla Dimitrov dhe theksoi se Greqia do të vazhdojë kontaktet.

“Ne flasim me partnerët tanë evropianë, bisedojmë me gjermanët, do të përpiqemi t’i vendosim të gjitha këto në një perspektivë evropiane dhe në interesin tonë të përbashkët, duke mbrojtur interesat legjitime të Greqisë, qofshin ato “erga omnes” apo “marka tregtare”, që vlejnë për kompanitë tona, pavarësisht nga tradita jonë apo ndonjë gjë tjetër që ka të bëjë me interesin legjitim në rajon dhe në marrëdhëniet tona me këto vende”, tha Dendias.

Duke folur për marrëveshjen e Prespës, shefi i diplomacisë greke tha se “Demokracia e Re nuk ishte kundër marrëveshjes, ishte kundër dispozitave konkrete të marrëveshjes”./Telegrafi/