Kanye West flet për fillimin e lidhjes me Kim Kardashian: Të gjithë ishin kundër, por unë e doja

Reperi i famshëm amerikan, Kanye West, ka folur për fillimin e lidhjes me yllin televiziv, Kim Kardashian.

Krijuesi i hitit “Stronger” kundërshtoi këshilltarët e tij kur ai filloi një romancë dashurie me yllin e “Keep Keeping Up With the Kardashians” në vitin 2012, sepse ata i thanë që është një yll televiziv dhe do të dëmtonte imazhin e tij.

Kim – e cila u martua me Kanye West në vitin 2014 ka thënë se, “Të gjithë i thanë se ajo është një yll televiziv, nuk mund të jesh me të. Dhe ai ishte si, unë e dua atë. Nuk më intereson”.

Çifti – të cilët kanë fëmijët North, gjashtë, Saint, tre, Chicago, 20 muajshe, dhe Psalm, katër muaj, së bashku – së pari u takuan në vitin 2002 kur Kim ishte martuar me Damon Thomas, por ajo pretendon se ai ishte tërhequr gjithmonë për të, dhe kur ata më në fund u mblodhën, ajo nuk mund të besonte se nuk ishin lidhur më parë.

Lexo po ashtu Të gjitha lajmet nga Kim Kardashian

Duke folur për “True Hollywood Story”, i cili analizon rritjen e famës së Kim, ajo tha: “Kam takuar Kanye në 2002. Ai do të pyeste të gjithë se kush isha, dhe ata gjithmonë thoshin si, “Oh, ajo ka një të dashur”.

“Ne gjithmonë vazhdonim të lidheshim dhe të hynim në jetën e njëri-tjetrit. Pastaj, ai më ftoi në Paris në shfaqjen e tij të modës, dhe kjo ndodhi kur ndodhi”.

Reperi 42-vjeçar po ashtu kujtoi “tërheqjen magnetike” të tij ndaj Kim qysh në takim të parë, “Sa herë që isha rreth saj dhe e shikoja, ndjeja një tërheqje magnetike ndaj kësaj force energjie. Ajo ishte e mirë, e pastër, e lumtur, e dashur, e guximshme, e fortë”, ka thënë më tutje West. /Telegrafi/