Sarri: Juventusi ka kualitet, Interi është i qëndrueshëm

Maurizio Sarri këmbëngul se Juventusi duhet të përqendrohet në cilësi sesa në vendosmëri dhe ta shikojë performancën më shumë sesa rezultati kundër Interit.

Zonja e Vjetër do të jetë mysafir i Interit në ndeshjen që zhvillohet në stadiumin Giuseppe Meazza nga ora 20:45.

“Nuk kam nevojë të bind lojtarët, më duhet të marr vendime. Është e drejtë vetëm që lojtarët janë të zemëruar nëse nuk luajnë dhe unë konsideroj këtë gjë si një reagim pozitiv sesa negativ”, ka thënë trajneri italian.

“Detyra ime është që të marr vendime, nuk mund të shqetësohem për mënyrën se si reagojnë lojtarët. Acarimi i tyre mund të bëjnë titujt tuaj, por unë e shoh atë si një shfaqje pozitive të ambicies”.

Interi ka fituar të gjashtë ndeshjet e Serie A deri më tani këtë sezon, kështu që vetëm dy pikë i ndajnë ata nga kreu i tabelës.

“Ne do të luajmë kundër një kundërshtari të fortë, në gjendje të mirë, siç dëshmohet me performancën e tyre të shkëlqyeshme kundër Barcelonës. Nuk mund të thuash që njëra ose tjetra është e preferuara në një ndeshje, veçanërisht pasi Inter – Juventus është një nga ato përvojat e mrekullueshme që të gjithë duan të jenë pjesë. Do të ndiqet në të gjithë botën, kështu që unë mund të shoh vetëm pozitivet”.

Lexo po ashtu Interi me disa dilema për formacionin ndaj Juventusit

“Është një ekip i fortë, solid dhe kur merr kontrollin e lojës janë të rrezikshëm, ndërsa janë të mirë po ashtu edhe në kundërsulme dhe në mbrojte. Kam parë një Inter të fortë këtë sezon”, ka shtuar më tej Sarri.

Interi aktualisht ka 18 pikë, ndërsa Juventusi ka 16-të, e që nesër (e diele) do të vendoset se kush do të jetë lider në ligën italiane. /Telegrafi/