Nedellkov: Nuk do të ishte korrekte nëse nuk nënshkruaja rritjen e pagave në arsim

Jakim Nedellkov, kryetari i Sindikatës për Arsim, Shkencë dhe Kulturë ka dërgua letër deri tek anëtarët e sindikatës, duke u përgjigjur rreth paqartësive në bisedimet me Qeverinë dhe Ministrinë e Arsimit dhe Shkencës për rritjen e pagave me bindjen se në ditët në vijim do të arrihet marrëveshje me atë se sa dhe kur do të ketë rritje të pagave gjatë vitit 2020.

Qeveria vendosi që nga një shtatori tu rriten pagat të punësuarve në shkollat fillore dhe të mesme prej pesë përqind, ndërsa të njëjtën ditë sindikalistët mbajtën grevë të cilët kërkuan rritje të pagave prej 25 përqind.

“Nënshkrimi i marrëveshjes për rritjen e pagave në veprimtarinë arsimore prej pesë përqind nuk do të thotë se anëtarët e SASHK-ut dhe në përgjithësi në fushën e arsimit janë mashtruar nga ana e kryetarit të SASHK-ut, sepse në të gjitha deklaratat kemi theksuar se përshëndesim angazhimin e Qeverisë për rritjen e pagave në arsim, por edhe publikisht kemi shprehur pakënaqësi për shumën e rritjes së pagave, e cila është simbolike dhe e pamjaftueshme”, shkruan Nedellkov.

Ai shton se nuk do të ishte korrekte ndaj anëtarëve të SASHK-ut nëse nuk do të pranonte marrëveshjen e rritjes së pagave prej pesë përqind./Telegrafi/