LAJMI I FUNDIT:

Industria e makinave paralajmëron ‘pasoja katastrofe’ nëse nuk arrihet marrëveshja e BREXIT-it

Industria e makinave paralajmëron ‘pasoja katastrofe’ nëse nuk arrihet marrëveshja e BREXIT-it

Industria e makinave në Evropë ka paralajmëruar për “pasoja katastrofike” nëse Britania e Madhe do të dilte nga Bashkimi Evropian pa një marrëveshje për të mbrojtur tregtinë.

Kostoja përllogaritet në miliarda dhe miliona njerëz rrezikojnë vendet e tyre të punës. Biznesi gjithashtu ka bërë thirrje për një qartësi urgjente, pasi prej një kohe të gjatë pasiguria ka shkatërruar besimin për të ardhmen.

“Një dalje pa marrëveshje do të kishte një ndikim të menjëhershëm dhe shkatërrues në industri, duke minuar konkurrencën dhe duke shkaktuar dëme të pakthyeshme e të rënda. Negociatorët në Britani të Madhe dhe BE kanë përgjegjësi të punojnë së bashku për të rënë dakord në një marrëveshje ose rrezikojnë të shkatërrojnë këtë shtyllë jetësore të ekonomive tona”, tha Mike Hawes, shefi ekzekutiv i Shoqërisë së Prodhuesve dhe Tregtarëve të Makinave në Britani të Madhe, përcjell Telegrafi.


Por ende nuk është e qartë nëse mund të shmanget më e keqja. Kryeministri britanik, Boris Johnson, është zotuar se do ta nxjerrë vendin nga Unioni më 31 tetor, me apo pa një marrëveshje daljeje. Diskutimet e qeverisë së tij me zyrtarët e BE ende nuk kanë prodhuar ndonjë përparim dhe bisedimet pritet të vazhdojnë edhe në Asamblenë e Përgjithshme të Kombeve të Bashkuara në New York.

Nëse Johnson realizon kërcënimin e tij për të lënë Bashkimin Evropian pa marrëveshje, ai do t’i jepte fund tregtisë pa tarifa me një treg që merr 57 për qind të eksporteve britanike të makinave. Kjo do të shkatërrojë zinxhirët e furnizimit, do të godasë prodhimin dhe do të tkurrë fitimin që edhe aktualisht janë në nivele të ulëta.

Industria e automjeteve përbën rreth 6 për qind të punësimit në BE ose rreth 14 milionë vende pune. Aktualisht prodhuesit në Britani të Madhe po vuajnë nga pasiguria se kur dhe si vendi do të largohet nga Bashkimi Evropian. Prodhimi ka rënë për 14 muaj rresht për shkak të kërkesës së dobët në tregjet kryesore dhe mbylljeve të përkohshme të fabrikave që u tërhoqën në pritje të BREXIT-it. /Telegrafi/

Në trend Ekonomi

Më shumë
Informata të rëndësishme për konsumatorët e ujit në regjionin e Prishtinës

Informata të rëndësishme për konsumatorët e ujit në regjionin e Prishtinës

Ekonomi
Misteri i shpikësit të Bitcoin

Misteri i shpikësit të Bitcoin

Botë
Mustafa: Vetëm 18% e grave në Kosovë janë të angazhuara në sektorin e biznesit

Mustafa: Vetëm 18% e grave në Kosovë janë të angazhuara në sektorin e biznesit

Ekonomi
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind

Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind

Ekonomi
Kosova në CEFTA pa UNMIK, Hajdari thekson rëndësinë e qasjes së barabartë ekonomike dhe tregtare

Kosova në CEFTA pa UNMIK, Hajdari thekson rëndësinë e qasjes së barabartë ekonomike dhe tregtare

Ekonomi
Durrësi ende ofron ditë të ngrohta - Shijo pushime të këndshme me oferta për toke

Durrësi ende ofron ditë të ngrohta - Shijo pushime të këndshme me oferta për toke

Ekonomi
Kalo në kategori