Superkupa e Kosovës për femra, Bashkimi dominon ndaj Prishtinës

Kampionia e Kosovës, Prishtina, nuk ka arritur t’i bëjë ballë Bashkimit nga Prizreni, në finalen e Superkupës së Kosovës (femrat), që u zhvillua në palestrën “Mizahir Isma” në Rahovec.

Bashkimi demolon Prishtinën me rezultat përfundimtarë 83:70.

Qysh në çerekun e parë Bashkimi konfirmoi forcën, duke i bërë me dije se trofeu do të shkoi në Prizren, ashtu edhe ndodhi.

Në minutën e 10-të, Bashkimi ishte në epërsi me 8 pikë (15:23).

Në çerekun e dytë pritej një reagim më i mirë i kryeqytetasve, megjithatë nuk ndodhi dhe rritet epërsia e vashave prizrenase në 12 pikë (32:44).

Të gjithë menduan se pushimi 15 minuta do të ndikoi pozitivisht te Prishtina, por as kjo nuk i bëri punë, sepse vashat e Bashkimit e kishin mbrëmjen e tyre dhe nuk lejuan në asnjë moment që bardhekaltrat t’ia rrezikojnë epërsinë.

Në minutën e 30-të, rezultat i keq për bardhekaltrat për faktin se në semafor shënonte 48:66 në favor të Bashkimit apo 18 pikë epërsi.

Në fund ndeshja u mbyll 83:70, duke i dhënë Bashkimit trofeun e parë sezonal.

Basketbollistja Khadija Broën ka qenë më e dalluara te Bashkimi me 32 pikë, e ndihmuar nga Aisha Muhamed me 18 sosh.

Danisha Shaë u shqua te Prishtina me 31 pikë, por as që i mjaftuan për ta evituar humbjen.

Prishtina-Bashkimi 70:83

Palestra e sportit “Mizahir Isma” në Rahovec.

Gjyqtarë: Xhelal Mumini, Ngadhnjim Shabani, Amar Gjekoviq.

Prishtina: Shatri 8, Shaë 31, Konjusha 13, Rushiti 2, Myers 10, Ajeti 3, Kamerolli, Martinaj 3, Ukaj, Rexhaj dhe Dekaj.

Bashkimi: Broën 32, Emra 4, Daci 12, Perçuku 15, Muhamed 18, V. Vraniqi, Muhadri 2, Baliqi, Gashi, Çejku, Krasniqi dhe S. Krasniqi.