John Travolta rrëfen ngjarjen kur fansja u fsheh në dhomë për t’a takuar

John Travolta ka kujtuar një moment të frikshëm me nje fanse vite më parë, pasi e njëjta ishte fshehur në shtëpinë e tij për t’a takuar aktorin.

“Para 30-vjetësh jetoja në Santa Barbara dhe dikush u fut fshehurazi në shtëpinë time. E hapa dollapin dhe aty ishte ajo. Kjo më frikësoi, por doli të jetë një person i pafajshëm. Ajo ishte një vajzë që me gjasë donte të më takonte dhe nuk e dinte mënyrën se si”, ka thënë ai.

Travolta ka aktruar për më shumë se 40 vjet dhe thotë se është shumë mirënjohës për të gjithë atë famë që i ka dhënë.

“E keni një biletë të artë në dorë për të gjithë botën. Pra, çka nëse u duhet të nënshkruani autografe dhe të bëni fotografi? Për mua, kjo nuk është ndonjë çmim i madh për t’u paguar”, shton më tej ylli amerikan.

Derisa rrëfen ngjarjen, John në filmin e ri “The Fanatic”, e luan rolin e një tifozi të tërbuar dhe të fiksuar me personin publik të tij të preferuar, të portretizuar nga Devon Sawa dhe për këtë ka kujtuar incidentin me fansen.

Lexo po ashtu John Travolta ngatërron Jade Jolie me Taylor Swift, tenton t'ia japë asaj çmimin gabimisht në vend të këngëtares

Ai ditë më parë gjithashtu u komentua për një veprim që bëri në MTV VMAs 2019, pasi ngatërroi Jade Jolie me Taylor Swift, e që tentoi t’ia japë asaj çmimin gabimisht në vend të këngëtares. /Telegrafi/