“Unë nuk do ta bëj këtë!”: Publikon foton e hotelit të tij, Trump vjen me një shaka rreth “blerjes së Greenlandës”

Presidenti amerikan Donald Trump ka bërë një postim në Twitter, i cili ka nxitur edhe reagime të shumta.

Bëhet fjalë për një postim të presidentit Trump, në të cilin ai ka publikuar edhe një fotografi të përpunuar, në të cilin shfaqet hoteli i tij në Las Vegas, që ngrihet mbi një qytet të vogël në territorin e Greenlandës, përcjell Telegrafi.

Ndryshe, Trump të dielën konfirmoi se ideja e blerjes së territorit gjysmë-autonom të Danimarkës ishte diskutuar brenda administratës së tij për shkak të përfitimeve strategjike për ShBA-së.

Lexo po ashtu Grenlanda vlenë shumë, Trump nuk është presidenti i parë që ka tentuar ta blejë këtë ishull - një ka ofruar shumë flori

Pasi kryeministrja daneze Mette Frederiksen hodhi poshtë idenë duke e quajtur si ‘absurde’, Trump e nxiti çështjen edhe më tej të hënën në mbrëmje duke u angazhuar në disa përpunime digjitale, duke shkruar mbi foto: “Unë premtoj se nuk do ta bëj këtë në Greenland”.

I promise not to do this to Greenland! pic.twitter.com/03DdyVU6HA

— Donald J. Trump (@realDonaldTrump) August 20, 2019

Ai tha: ‘Danimarka në thelb e zotëron atë. Ne jemi aleatë shumë të mirë me Danimarkën. Ne e kemi mbrojtur Danimarkën ashtu si ne mbrojmë pjesë të mëdha të botës, kështu që koncepti lindi’.

Ndërsa zonja Frederiksen, duke vizituar Greenlandën për të takuar kryeministrin Kim Kielsen, përsëriti që Greenland nuk ishte në shitje.

Reagimi ndaj shakasë së Trump ishte i shpejtë dhe i përzier edhe nga përdorues të rrjeteve sociale, me disa përdorues duke duartrokitur humorin e presidentit dhe të tjerët që vënë në pah “pandjeshmërinë e tij”. /Telegrafi/