Temperaturat e larta, shtohet numri i pacientëve në Emergjencën e QKUK-së, mjekët japin këshilla
Nga temperaturat e larta në Klinikën Emergjente në Prishtinë për 50 për qind është shtuar numri i personave që kërkojnë shërbime mjekësore.
Mjekët këshillojnë, sidomos të moshuarit, personat me probleme shëndetësore dhe shtatzënat, që mos t’i ekspozohen rrezeve të diellit gjatë mesditës.
Sipas parashikimeve meteorologjike edhe në ditët në vazhdim do të vazhdojë vapë e madhe, me temperatura të larta deri në 36 gradë Celsius.
Mjekët këshillojnë që në mesditë, njerëzit mos t’u ekspozohen rrezeve të diellit, ndërkohë që bëjnë të ditur se rastet e ofrimit të shërbimeve mjekësore këto ditë janë të mëdha, si pasojë e temperaturave të larta.
Sinan Musliu, mjek në Klinikën Emergjente në Shërbimin Spitalor Klinik Universitar, thotë se kjo klinikë po pranon numër të madh të pacientëve këto ditë, edhe për shkak të aksidenteve që po ndodhin.
“Temperaturat e larta, sidomos këto ditë të fundit ndikojnë shumë në gjendjen shëndetësore të pacientëve, sidomos ata që janë me sëmundje kronike, qoftë të zemrës, qoftë rrugëve të frymëmarrjes. Të ne, përveç sëmundjeve kronike, temperaturat ndikojnë edhe në lëndime, për shkak se është koha e verës, ka aksidente shumë, në ndërtimtari ka punë shumë, pastaj pishinat, deti, puna këta muajt korrik gusht është fluksi i madh i pacientëve saqë nuk e merr me mend. Numri i pacientëve këta muajt e fundit është shtuar diku mbi 50 për qind”, thotë ai.
Ani pse me disa vështirësi në kapacitete, Musliu thotë se po e japin maksimumin që t’i trajtojnë të gjitha rastet që kërkojnë shërbime mjekësore në Klinikën Emergjente.
Ai këshillon qytetarët, sidomos ata me sëmundje kronike, që mos t’u ekspozohen rrezeve të diellit.
“Kisha preferuar, të gjithë, jo vetëm ata që vuajnë prej sëmundjeve kronike, por edhe të tjerët, me ikë prej temperaturave të kohës së diellit, prej orës 10 deri në 17:00 të mbrëmjes, dhe mundësisht lëngje dhe ujë me përdorë sa më shumë sepse dielli ndikon keq”, thotë ai.
Parashikimet e motit tregojnë që deri të martën do të vazhdojë vapa afrikane.
Për ditët e nxehta, këshillohet të përdoren sa më shumë lëngje, sidomos një ose 2 litra në ditë nga një person i vetëm.
Gjithashtu, duhet pasur kujdes me ushqimet, duhet konsumuar ato me karbohidrate dhe vitamina, dhe sa më pak ushqime që përmbajnë yndyrë.
Për të përballuar më lehtë të nxehtit, rekomandohen veshje me ngjyra të çelta, meqë të mbyllura akumulojnë të nxehtit./kp/Telegrafi/
Lufta Prigozhin - Putin
Më shumëPlagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit