Milani e mposht Feronikelin në miqësoren historike që u zhvillua në ‘Fadil Vokrri’

Milani e ka mposhtur Feronikelin në miqësoren historike që u zhvillua në stadiumin ‘Fadil Vokrri’ me rezultat 0-2.

Gjiganti italian që zhvilloi për herë të parë një përballje në vendin tonë, kaloi në epërsi në minutën e 26-të, me golin e shënuar nga Suso nga gjuajtja e lirë.

Pjesa e parë përfundoi me këtë rezultat minimal, derisa në të dytë u shënuan edhe një gol.

https://www.youtube.com/watch?v=Tq5bUseRhHI

Rossonerët e dyfishuan epërsinë me anë të Fabio Borinit (58’), që doli të jetë i fitores për skuadrën nga Serie A.

Kastriot Rexha ishte tejet i pafat në minutën e 74-të, pasi shtylla ia mohoi golin, për të mos arritur kështu që ta hap llogarinë e golave për Niklin.

Kjo përballje miqësore pritet të jetë e fundit për kampionin e Superligës së Kosovës, pasi jemi në prag të fillimit të edicionit të ri 2019/20 dhe u duhet të fokusohen në përgatitjet e sezonit.

Kjo përballje ndaj Milanit, natyrisht se ishte një rast i veçantë për Feronikelin, futbollin kosovar, por edhe për tifozët shqiptarë që përkrahin gjigantin italian dhe kishin mundësi ta shikonin lojën e tyre nga afër. /Telegrafi/