“Një agresion i armatosur kundër Serbisë në periudhën e ardhshme ka pak gjasa të ndodhë, por nuk mund të përjashtohet plotësisht. Pavarësia e shpallur ‘në mënyrë të njëanshme’ e Kosovës është e papranueshme për Serbinë, sepse kërcënon vlerat dhe interesat e saj kombëtare”. Këto janë pjesët më të rëndësishme të Strategjisë së Sigurisë Kombëtare dhe Strategjisë së Mbrojtjes, të miratuar nga qeveria serbe të enjten, të cila do të paraqitet në Kuvendin e Serbisë.
Në Qeverinë e Serbisë, siç shkruan gazeta serbe ‘Vecernje Novosti”, përcjell Telegrafi, iu dha drita jeshile dy dokumenteve më të rëndësishëm në fushën e sigurisë dhe mbrojtjes, të cilat do të jenë bazë për miratimin e të gjitha rregulloreve dhe akteve të tjera nënligjore në dekadën e ardhshme.
“Dispozita për neutralitetin e shpallur ushtarak është ndryshimi më domethënës në strategjitë e miratuara, të cilat, sikur edhe të mëparshmet, mbrojnë qëndrimin se ‘shkëputja e kundërligjshme e Kosovës’ është rreziku më i madh i sigurisë për Serbinë, si dhe për vendet e rajonit. Neutraliteti u shpall në vitin 2007, por u hoq nga dokumentet e miratuara dy vjet më vonë”, shkruan gazeta serbe, duke u thirrur në strategji.
Qeveria serbe sqaron se “Strategjitë e sigurisë kombëtare dhe të mbrojtjes kanë ndryshuar për shkak të ndryshimeve në rrethinë dhe në botë, gjë që gjithashtu kërkon rregullimin e politikës sonë të sigurisë”.
“Janë përcaktuar interesat themelore kombëtare të shtetit dhe kështu u sigurua mbrojtja dhe siguria e të gjithë qytetarëve të saj”, thonë në Qeverinë serbe, përcjell Telegrafi.
Shteti ka vendosur katër qëllime kryesore në fushën e mbrojtjes dhe sigurisë: mbrojtje efektive, ruajtjen e Kosovës brenda Serbisë, forcimin e pozitës së saj ndërkombëtare dhe parandalimin e veprimit separatist.
“Serbia nuk do ta njohë pavarësinë e shpallur në mënyrë të njëanshme ‘të krahinës së saj jugore’, por në interes të stabilitetit rajonal dhe marrëdhënieve më të mira të mundshme serbo-shqiptare, ajo do të vazhdojë dialogun me institucionet e përkohshme të vetëqeverisjes në Prishtinë derisa në arritjen e një marrëveshje afatgjatë e qëndrueshme dhe reciprokisht e pranueshme”, thuhet në draftin e këtij dokumenti.
Drafti i këtyre dokumenteve afirmon kërkesën e Serbisë për një prani të pandërprerë të KFOR-it dhe kundërshton ndryshimin e mandatit dhe shndërrimin e formacioneve të njohura si “Forca e Sigurisë së Kosovës” në Ushtri të Kosovës.
Serbia nuk ka ndërmend të bëhet pjesë e NATO-s
“Më këtë do të destabilizohej situata në provincë [Kosovë] dhe do të rrënohej siguria në rajon”, thuhet në draftin e dokumentit.
Dokumentet strategjike parashikojnë bashkëpunim me Organizatën e Traktatit të Sigurisë Kolektive (CSTO), por edhe në përputhje me politikën e neutralitetit ushtarak të Serbisë vazhdim të bashkëpunimit me NATO-n, përmes programit Partneritet për Paqe.
“Serbia nuk ka ndërmend të bëhet anëtare e NATO-s ose ndonjë aleance tjetër ushtarako-politike, por dëshiron të avancojë besimin me të gjithë partnerët”, thuhet në formulimin nga drafti i Strategjisë së Sigurisë Kombëtare të Serbisë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City