Milani publikon listën e lojtarëve të ftuar për miqësoren ndaj Feronikelit

Feronikeli dhe Milani do ta zhvillojnë nesër (10 gusht) miqësoren në stadiumin ‘Fadil Vokrri”, derisa përballja do të transmetohet ekskluzivisht në RTV Dukagjini.

Kampioni i Kosovës dhe gjiganti i italian kanë arritur marrëveshje para disa javësh që ta zhvillojnë një takim mes tyre, e që do të jetë një rast i veçantë për tifozët shqiptarë që mbështesin Rossonerët ta shikojnë nga afër lojën e tyre.

Milani ka publikuar listën e lojtarëve që do të jenë pjesë e përballjes ndaj Niklit, e që do të jenë të përfshirë të gjithë.

Here's our 24-man squad for the friendly match in Kosovo ⚽

Il Mister ha convocato 24 rossoneri per Feronikeli-Milan ⚽#ForzaMilan pic.twitter.com/jGdl63pQQ9

— AC Milan (@acmilan) August 9, 2019

Skuadra italiane në këtë takim do t’i ketë të pranishëm 24 lojtarë, e që për tifozët shqiptarë të Milanit do të jetë një rast për mos u humbur.

Lexo po ashtu Legjenda e Milanit, Franco Baresi: I lumtur që do të jemi në Kosovë, mos mungoni më 10 gusht

Shtatë herë kampioni i Evropës me vete do ta ketë edhe trofeun e famshëm të Ligës së Kampionëve, për ta shfaqur para të pranishmëve në stadium.

Ndeshja Feronikeli – AC Milan do të transmetohet drejtpërdrejt dhe ekskluzivisht në RTV Dukagjini të shtunën nga ora 20:45, por edhe Telegrafi do të ketë mbulim rreth këtij takimi. /Telegrafi/