Duhet të kthehet besimi i humbur i qytetarëve në Prokurorinë e Maqedonisë së Veriut
Kryetari i Shoqatës së gjykatësve në Maqedoninë e Veriut, Xhemali Saiti, në një intervistë për Radion Evropa e Lirë thotë se Ligji që rregullon punën e Prokurorisë Themelore Publike duhet të ketë sa më pak zbrazëtira ligjore, në mënyrë që të jetë i zbatueshëm në praktikë. Sahiti flet edhe për rastin “Zhvatja”, ku zyrtarë të Prokurorisë Speciale po dyshohen se janë të përfshirë në rast korruptiv.
Radio Evropa e Lirë: Zoti Saiti, duket se ka shumë dallime nga ana e partive politike rreth ligjit që duhet të miratohet për punën e Prokurorisë Themelore Publike. Shikuar nga këndi juaj si kryetar i Shoqatës së gjykatësve, çka është kruciale, përkatësisht në çka duhet pasur kujdes që të ketë një ligj i cili do të krijojë kushte për prokurori të pavarur dhe funksionale që do të kontribuojë për funksionimin e drejtësisë?
Xhemali Saiti: Mendoj se faktori politik do të gjejë gjuhë të përbashkët dhe mendoj se do të aplikohen norma dhe standarde të cilat janë të pranueshme tepër të gjithë ne. Ky ligj (Ligji për punën e Prokurorisë Themelore Publike) duhet që të ngërthejë në vete sido që të jetë e mundur zbrazëtira sa do të jetë e mundur më të vogla juridike, që gjatë jetësimit të jetë sa më praktik dhe i zbatueshëm.
Radio Evropa e Lirë: A ka ndikuar në rënien e besimit të qytetarëve te Prokuroria Speciale pas publikimit të aferës e njohur si “Zhvatja”, ku ish-kryeprokurorja e Speciales, Katica Janeva dyshohet se është e përfshirë në një rast korruptiv?
Xhemali Saiti: Rasti “Zhvatja”, e ka lëkundur shumë besimin te kjo prokurori (Prokuroria Speciale), të mos themi e ka zhdukur në këtë moment. Edhe pse tani, sipas mendimit tim, procedura për rastin “Zhvatja” zhvillohet në mënyrë shumë folklorike në media, që është jotipike për sa i përket procedurave. Nëse procedura rezulton se prokurorë të caktuar kanë keqpërdorur detyrën zyrtare lidhur me lëndën “Zhvatja”, atëherë kemi dy dimensione. Njërin e kemi dimensionin konkret, lidhur me kryerësit e veprave penale qofshin ata dhe persona zyrtarë.
Kurse pozicionin tjetër e kemi të ardhmen e këtij institucioni, që në këtë moment ky institucion, ashtu siç është, nuk ka aspak të ardhme pa u integruar në një organ tjetër, që me siguri paraqet mënyrën e vetme se si të integroni në një sistem legal juridik, ku kemi një situatë të tillë, përkatësisht një besim aq të ulët sa i takon punës së tyre, por edhe një situatë ku ligji aktual për punën e Prokurorisë Speciale, sa i takon mandatit, sepse kjo prokurori kishte afat të caktuar.
Radio Evropa e Lirë: Zoti Saiti, zgjidhja e statusit të Prokurorisë Special shihet si shtylla e kryesore në reformat e sistemit gjyqësor. Kjo porosi u dha shumë qartë edhe nga zyrtarët e lartë të Uashingtonit dhe Brukselit. Integrimi i Speciales në Prokurorinë Themelore a do ta bënte më funksionale luftën ndaj krimit në nivel të lartë?
Xhemali Saiti: Pikërisht aty është dhe përgjigja. Kur thash se e vetmja (mënyrë) për të shpëtuar këtë institucion (Prokurorinë Speciale) është integrimi. Ky institucion kur do të integrohet në një institucion tjetër, atëherë fillohet nga e para. Fillon një përzierje e aktorëve që do të marrin pjesë në të gjitha procedurat dhe është mundësia e vetme që të ruhen procedurat e hapura, përkatësisht lëndët e hapura, të cilat ende janë gjallë dhe kjo është mënyra e vetme që të vazhdojnë të procedohen ato lëndë në gjykata.
Kur jemi te lëkundja e besimit ndaj institucionit të Prokurorisë Speciale, tani duket qartë se kishim një situatë joreale. Kjo prokurori fitoi një përkrahje joreale ligjore dhe joreale politike, në kushtet kur ajo filloi punën. Në një situatë kur Prokuroria Speciale fluturonte lartë, sa i përket së ardhmes së këtij institucioni, ndodhi rasti “Zhvatja” dhe kontestoi gjithë punën e tyre. Edhe pse nëse analizohet puna e Prokurorisë Speciale, unë nuk do të kisha thënë se rezulton me rezultate spektakolare sa i përket procedimit dhe përfundimit të lëndëve që i ka ngritur dhe që i kishte nën kompetencë ky institucion.
Kështu që mendoj se Prokuroria Speciale është një storie interesante për analiza në opinionin tonë këtu brenda, por edhe më gjerë. Historia e prokurorive speciale fillon në SHBA dhe si i tillë është një institucion shumë i rëndësishëm, por atje Prokuroria Speciale gjithmonë ka mandat të caktuar kohor dhe hapësinor. Pikërisht për këtë, janë të suksesshme si institucione që ndjekin krimin në instanca të larta në vendet ku veprojnë. Në Maqedoninë e Veriut u aplikua një sistem i kombinuar, i cili për fat të keq arriti në këtë fazë deri ku arriti.
Radio Evropa e Lirë: Zoti Saiti si e sheh Shoqata e gjykatëseve të Maqedonisë së Veriut procesin e vettingut apo rivlerësimit të gjyqtarëve dhe prokurorëve?
Xhemali Saiti: Unë do të kisha ndarë personat që promovojnë procesin e vettingut në dy grupe. Personat të cilët nuk i analizojnë aspak pasojat juridike të një procesi të tillë, ku bën pjesë një grup i personave dhe një grup i personave të tjerë të cilët bëjnë punë duke shtyrë këtë proces për një grup të caktuar të interesave politike apo grupeve të tjera.
Prandaj, unë mendoj se faktori ndërkombëtarë me një syçeltësi iu qas kësaj çështje. Gjatë tre vjetëve të fundit jam në komunikim intensiv dhe kjo çështje sipas mendimit tim nga faktori ndërkombëtar është e absorbuar, që nga tanimë dy vjet. Kjo çështje është shqyrtuar dhe mendoj se nuk është temë e bisedave në aspektin e detyrimeve që ka vendi në rrugën e integrimeve evropiane.
Shikuar nga aspekti im, madje disa herë kam bërë dhe thirrje publike te kolegët e mi gjykatës, që përmes vendimeve tona të bëjmë një evoluim një auto-evoluim tonin në mënyrë vetanake ku para opinionit do të prezantojmë vendimet tona të mira, para së gjithash të drejta si gjykatës dhe do të bindim opinionin se ne kemi progres në vendimet tona, sa i përket një periudhe vis-a-vis një periudhe të mëhershme, ku shumë vendime ishin të kontestuara. /REL/
Lufta Prigozhin - Putin
Më shumëMinistri i Mbrojtjes thotë se kanë shpenzuar 238 milionë euro për blerje të armatimit: Ushtria po forcohet
Ushqimi për FSK-në - flet ministri i Mbrojtjes, Ejup Maqedonci
Eksperti i trafikut bën "ekspertizën" nga vendi ku ndodhi aksidenti tragjik me tre të vdekur, flet për shkaqet e mundshme
Sveçla për kërkesën e Vuçiqit: As që bëhet fjalë për kthimin e ish-policëve të dorëhequr serb në veri
Raportet me Edi Ramën, flet kryeministri Kurti
Tahiri, Kurtit: Qeveria nuk ka pse të bëjë thirrje për kujdes vetëm pasi ndodhin humbjet e jetëve
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës