Rabiot: Juventusi vend i duhur që unë të ngjitem, fola edhe me Buffonin para se të vija

Adrien Rabiot beson se Juventusi është klubi i duhur që karrierën e tij ta dërgojë në një nivel tjetër.  

Rabiot e la Paris Saint-Germain duke u bashkuar me Juven dhe mesfushori është i ngazëllyer që është bashkuar me Bianconerët.

“Juventusi është një klub i madh me histori dhe prestigj. Jam shumë i lumtur që jam këtu. Një nga arsyet që më bëri të zgjedh Juventusin është që unë të dëshiroja të përmirësoja dhe ta qoja karrierën time në një nivel tjetër”.

“Do të luaj me disa lojtarë të shkëlqyer. Nuk ka vend më të mirë për tu rritur dhe për të mësuar”.

“Unë jam i majtë dhe më pëlqen të bëj pak nga gjithçka. Ndihem si një lojtar sulmues dhe më pëlqen të sulmoj, por gjithashtu dua të mbroj”.

“Kam biseduar me kaq shumë njerëz përpara se të vij në Juventus, përfshirë edhe Buffonin. Ai e njeh mirë këtë klub dhe më tregoi se çfarë ishte jeta këtu”.

“Është gjithmonë shumë e rëndësishme të kërkoni këshilla kur merrni një vendim. Ishte mirë të merrja komplimente nga Gigi dhe i dërgova një mesazh falënderimi”, ka treguar Rabiot. /Telegrafi/