Vedat Muriqi: Babai im ka ndërruar jetë në fushë pas një sulmi në zemër, ai dëshironte të bëhesha futbollist i suksesshëm

Vedat Muriqi ka nënshkruar kontratë katërvjeçare me skuadrën turke të Fenerbahçes.

Në ditën që futbollisti po nënshkruante me gjigantin e Superligës së Turqisë, vëllai i lojtarit, Narçin, ka ndarë një moment emocionues që i referohet babait të tyre.

“Baba, djali yt së shpejti do të arrijë edhe një sukses. Atë që e la t’i përgjysmë, ai po vazhdon ëndrrën tënde”, pohoi ai.

Vedati ndër të tjerash ka treguar se babai i tij ka qenë futbollist në Prizren, por që nuk ia ka arrit dot.

“Kam filluar në Kosovë. Më së rëndi e kam përjetuar vdekjen e babait, isha vetëm shtatëvjeçar. Edhe babai im ishte futbollist. Trajneri nuk e kishte marrë në një kamp. Ai ishte zemëruar dhe më pas filloi të luajë hendboll”.

“Ai ishte ndër më të mirët në këtë sport. Ai më pas iu kthye futbollit dhe pas një sulmi në zemër duke luajtur futboll, vdiq midis fushës. Babai ka kërkuar që të bëhem futbollist dhe këtë ia kam arritur”, ka pohuar ai.

Lexo po ashtu Mediat turke: Prezantimi i Vedat Muriqit, më kreativi deri më tani te Fenerbahce

Kujtojmë se 25-vjeçari pas nënshkrimit të kontratës, për katër sezone do të fitojë tetë milionë euro. Ndryshe, futbollisti në sezonin e kaluar ka shënuar 17 gola dhe ka asistuar tetë herë në të gjitha garat për Rizesporin. /Telegrafi/