Opozita shqiptare rikthehet sërish në shesh për të mbajtur të hënën protestën e dhjetë të saj.
“Nesër më 8 korrik në orën 20:00, bashkohemi të gjithë në Tiranë si njerëz të lirë me dinjitet, prindër, motra, vëllezër, bij e bija shqiptarësh kurajozë, të gjithë bashkë kundër diktaturës së krimit, në mbrojtje të lirisë dhe dinjitetit, për familjet dhe fëmijët tuaj, për #ShqipëriaSiEuropa! Asnjë hap pas! #RamaIk”, shkruan kryetari demokrat, Lulzim Basha në një postim online.
Protesta nis në orën 20:00 dhe vjen në një kohë kur shumë ujëra kanë rrjedhur që prej 21 qershorit, kur u mbajt dhe protesta e fundit e madhe. Më 21 qershor, opozita marshoi paqësisht në shesh. Por më 30 qershor ajo bojkotoi zgjedhjet. Pjesëmarrja e ulët në këto votime u interpretua në shumë media të huaja si një goditje për kryeministrin Edi Rama dhe partinë e tij.
Jo vetëm kaq, por nuk kanë munguar zëra se tashmë presioni i kancelarive ndërkombëtare po zhvendoset më shumë drejt kryeministrit Edi Rama, duke e akuzuar se nuk ka bërë sa duhet për të zgjidhur krizën.
Në plan ndërkombëtar nuk ka pasur shumë reagime, por një samit i zhvilluar në Poznan të Polonisë në kuadër të Procesit të Berlinit nxori në pah edhe njëherë se Shqipëria mbetet nxënësi i dobët i rajonit. Maqedonia mbetet nxënësi më i mirë dhe duket se zgjedhjet e dështuara nuk do e përmirësojnë situatën e Shqipërisë kur të diskutohet nisja e negociatave.
Në planin e brendshëm, këto ditë të nxehta janë dominuar nga sulmi që ka ndërmarrë kreu i shtetit ndaj kryeministrit Edi Rama. Në qendër është reforma në drejtësi, por Meta ka thumbuar edhe mënyrën se si u mbajtën zgjedhjet.
Votimet e 30 qershorit mbajnë sërish ‘vulën’ e fortë të dyshimeve, sidomos pas shifrave të çuditshme dhe të parakorduara që rrodhën që atë ditë e deri sot.
Një tjetër zhvillim jo më pak i rëndësishëm lidhet me situatën e rënduar të lirisë mediatike në vend, që ka alarmuar edhe ndërkombëtarët.
Protesta e së hënës vjen në një kohë kur opozita thotë se 85 përqind e popullsisë ka refuzuar të dalë në votimet e qeverisë. Por edhe vetë opozita është nën presion për të provuar se ky bojkot masiv i kutive të votimit ka ardhur edhe për shkak të thirrjeve të saj dhe nuk është thjesht një përbuzje e shqiptarëve ndaj politikës në përgjithësi. Nuk mungojnë as zërat se tani opozita duhet të ofrohet më shumë si alternativë e pushtetit, duke shpalosur programin dhe vizionin e saj.
Po ashtu kjo protestë vjen kur sezoni i pushimeve po i afrohet kulmit dhe interesi për politikën mund të pësojë bjerrje në këto ditë të nxehti ekstrem.
Gjithsesi, e hëna tregon se kriza politike vazhdon të mbetet në vend, ndoshta edhe më e komplikuar.
Lufta Prigozhin - Putin
Më shumëEkipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Gashi: Mandatori i ardhshëm për kryeministër duhet së pari të flasë me ne
Pasuria e kryetarit të Suharekës e deklaruar në Agjencinë për Parandalimin e Korrupsionit
Hyri ilegalisht nga Serbia në Kosovë, policia ndalon të dyshuarin
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur