Një prej figurave më të rëndësishme të Partisë Demokratike të Kosovës i cili udhëheq edhe me degën e kësaj partie në Skenderaj, Sami Lushtaku, thotë se atë nuk mund ta largojë askush nga partia. Duke iu përgjigjur një iniciative të Veselit për t’i larguar nga postet zyrtarët e PDK-së që kanë aktakuza, Lushtaku është kategorik.
Ai thotë se një gjë e tillë mund të ndodh vetëm nëse atij i mbushet mendja vet për t’u larguar.
Këto deklarata Sami Lushtaku i ka bërë kur është pyetur se a do të konsiderojë largimin nga PDK-ja, pas vendimit të fundit të kreut të PDK-së, Kadri Veselit, për të larguar nga partia dhe institucionet e Kosovës të gjithë zyrtarët e PDK’së të cilët kanë një aktakuzë të konfirmuar nga institucionet e drejtësisë së Republikës së Kosovës.
Ai bindshëm thotë se nga Partia Demokratike e Kosovës s’mund ta largojë askush.
“S’ka bir nane që mundet me më largu nga Partia Demokratike e Kosovës, veç nëse du me u largu vet. Nëse më mbushet menja, me u largu prej Partisë Demokratike atëherë vendosi unë, dikush tjetër nuk s’ka mundësi mem largu”, ka thënë Sami Lushtaku në një përgjigje për Gazetën Express.
Sa i përket aktakuzës që është ngritur ndaj tij, rreth rastit të ikjes nga QKUK-ja, të cilën e ka konfirmuar edhe Gjykata e Apelit, Lushtaku thotë se ajo nuk ndërlidhet me ndonjë vepër që ka të bëjë me korrupsion dhe se është një aktakuzë e shpifur e misionit të EULEX-it.
“Aktakuza të cilën e kam unë, nuk lidhet as me korrupsion, as me… është një aktakuzë e shpifur e EUELEX-it”, ka potencuar ndër të tjera Sami Lushtaku.
Veseli nismën e tij për të larguar nga partia zyrtarët të cilët kanë probleme me drejtësinë dhe ligjin e kishte bërë pak ditë pasi ishte rizgjedhur në krye të PDK-së, në një konferencë të jashtëzakonshme për media nga selia e partisë së tij.
‘Viktima’ e parë ka qenë këshilltari i tij, Nijazi Kryeziu, i cili është një prej të akuzuarve në rastin “Pronto”.
Pas Kryeziut dorëheqjen e kishte ofruar edhe Besim Beqaj, i cili ushtronte postin e ministrit të Inovacionit dhe Ndërmarrësisë. Nga posti i zëvendësministrit pritet që të largohet edhe Agim Çeku, i cili ka një aktakuzë të konfirmuar lidhur me rastin e njohur në publik si ‘Veteranët’.
Lufta Prigozhin - Putin
Më shumëParlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Rama: Problemit të mbeturinave në kryeqytet i erdhi fundi
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mesiq: Vuçiq si Millosheviqi, por “Serbia e Madhe” nuk do të bëhet
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Zëdhënësi i Qeverisë i kundërpërgjigjet Listës Serbe: Kamerat në veri janë në shërbim të sigurisë publike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë