Partia shqiptare opozitare Aleanca për Shqiptarët, përmes një kumtese për media ka reaguar ndaj vendimit të djeshëm të ministrave të Jashtëm të vendeve anëtare të BE-së, të cilët vendosën që datën për nisjen e negociatave me Maqedoninë e Veriut ta caktojnë në muajin tetor.
Nga ASH thonë se dje Këshilli i Ministrave të BE-së demaskoi gënjeshtrat njëvjeçare të partive në pushtet LSDM dhe BDI, duke i refuzuar për të dytën herë me radhë nën qeverisjen e Zaevit, njofton Telegrafi Maqedoni.
Nga kjo parti thonë se arsyet për refuzimin e nisjes së negociatave, kanë të bëjnë me dështimin e partive në pushtet për të zbatuar reforma të mirëfillta për kthimin e shtetit të së drejtës, luftimin e korrupsionit dhe departizimin e administratës publike.
“Mungesa e një vendimi nga shtetet anëtarë të BE-së padyshim se është një lajm zhgënjyes për qytetarët e Maqedonisë së Veriut të cilët po i paguajnë shtrenjtë dështimet e njëpasnjëshme të këtij pushteti. Por ky zhvillim ka qenë i pritur dhe i paralajmëruar vazhdimisht nga Aleanca për Shqiptarët që nga fillimi i fushatës propaganduese të pushtetit LDSM-BDI në qershorin e vitit të kaluar se vendi e ka fituar datë për hapje të negociatave”.
“Këto dështime janë konfirmuar në raportin e fundit të progresit të Komisionit Evropian i cili thekson se niveli i korrupsionit në vend mbetet shqetësues ndërsa gjyqësori dhe administrata publike vazhdojnë janë të kapura nga politika. Pra, dihej fare mirë se shtetet anëtarë nuk do të pajtohen që t’i hapin dyert e BE-së një vendi i cili nuk dëshmon vullnetin politik për t’i zbatuar parimet themelore evropiane mbi shtetin e së drejtës. Para një jave, Ministri i Jashtëm holandez kishte theksuar se Maqedonia e Veriut vazhdon të përballet me probleme serioze në shtetin e së drejtës dhe në luftimin e korrupsionit. Para Këshillit të Ministrave, qeveria franceze kishte theksuar se zgjerimi i BE-së bazohet në kritere rigoroze dhe në rezultatet e dëshmuara nga vendet kandidate, pa afate kohore të paracaktuara”.
“Në këto rrethana, konkluzionet e Këshillit refuzuan përkohësisht hapjen e negociatave dhe shtynë vendimin përfundimtar deri në vjeshtë. Marrë parasysh theksin e vënë në konkluzionet e Këshillit në adresimin e mangësive strukturore në fushën e shtetit të së drejtës, pavarësinë e gjyqësorit, luftimin e korrupsionit si dhe reformën e administratës publike, nuk përjashtohet mundësia e një shtyrje të sërishme të vendimit të Këshillit të BE-së nëse nuk ndodh një ndryshim drastik në Maqedoninë e Veriut”.
“Pushteti SDSM-BDI i cili për një vit vazhdimisht i ka gënjyer qytetarët se vendi ka fituar datë për negociata me BE-në, është totalisht i deligjitimuar. Madje edhe më shqetësues është fakti se pushteti vazhdon të gënjejë paturpshëm duke e paraqitur refuzimin e djeshëm si një sukses, duke treguar kështu se nuk e ka vullnetin politik për të marrë vendime të guximshme për të kthyer shtetin e së drejtës në vend para afatit të ri të dhënë nga Këshilli i BE-së”.
“Më shumë se kurrë, zgjedhjet janë zgjidhja. Vetëm zgjedhjet e reja mund të sjellin një qeveri vërtet reformiste dhe të çliruar nga hipotekat e regjimit OBRM-PDUKM-BDI e cila do të fitojë hapjen e negociatave për anëtarësim të vendit në BE”, thuhet në njoftimin e ASH-së./Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City