Këshilli Prokurorial i Kosovës (KPK), përmes një reagimi ka folur për shkrimet në media sa i përket draftimit të Rregullores për emërimin e kryeprokurorit të shtetit dhe kryeprokurorëve të prokurorive të vendit.
Në njoftimin për media thuhet se ky proces është duke u realizuar në mbështetje të plotë të ambasadës amerikane në Kosovë dhe me bashkëpjesëmarrjen e partnerëve të tjerë ndërkombëtarë, siç janë përfaqësuesit e ambasadës së Mbretërisë së Bashkuar dhe Zyra e BE-së në Kosovë.
“Për hartimin e këtij drafti të rregullores janë mbajtur disa takime, në të cilat është përfunduar drafti fillestar, së bashku me dokumentet shtesë, që do të jenë pjesë përbërëse e saj. Sa i përket shkrimeve tuaja se KPK-ja është duke eliminuar kandidatët, ju njoftojmë si në vijim: Neni 4 i Ligjit nr. 03/L-052 për Prokurorinë Speciale të Republikës së Kosovës parasheh që: Kryeprokuror i PSRK-së do të zgjidhet njëri nga prokurorët specialë në pajtim me procedurat e përcaktuara sipas ligjit në fuqi. Ky nen është riformuluar me nenin 2, paragrafi 2 të Ligjit nr.04/273 për ndryshimin dhe plotësimin e ligjeve që ndërlidhen me mandatin e Misionit të Bashkimit Evropian për Sundimin e Ligjit në Republikën e Kosovës, ku është përcaktuar se neni 4 i ligjit bazik, paragrafi 4.1, emërtimi ‘Prokuror Special’ zëvendësohet me emërtimin ‘Prokuror me mandat të përhershëm'”, thuhet në njoftim.
Me hyrjen në fuqi të Kodit të ri Penal të Kosovës, në Gazetën Zyrtare të Republikës së Kosovës, Ligji nr.04/273 për ndryshimin dhe plotësimin e ligjeve që ndërlidhen me mandatin e Misionit të Bashkimit Evropian për Sundimin e Ligjit në Republikën e Kosovës, figuron si i shfuqizuar, më të cilin ligj janë ndryshuar 8 ligje: Ligji nr.03/L-052 për Prokurorinë Speciale të Republikës së Kosovës, Ligji N\nr.03/L-053 mbi kompetencat, përzgjedhjen e lëndëve dhe caktimin e lëndëve të gjyqtarëve dhe prokurorëve të EULEX-it në Kosovë, Kodi Penal i Republikës së Kosovës nr. 04-L/082, Kodi i Procedurës Penale të Kosovës nr. 04-L/123, Ligji nr. 04/L-033 për Dhomën e Posaçme të Gjykatës Supreme të Kosovës për Çështjet në lidhje me Agjencinë Kosovare të Privatizimit, Ligji nr. 03/L-137 për Departamentin e Mjekësisë Ligjore, Ligji nr. 04/L-015 për Mbrojtjen e Dëshmitarëve dhe Kodi Doganor dhe i Akcizave të Kosovës nr. 03/L-109).
“Andaj, duke marrë parasysh së në Kodin e ri Penal të Kosovës, Ligji nr.04/273 për ndryshimin dhe plotësimin e ligjeve që ndërlidhen me mandatin e Misionit të Bashkimit Evropian për Sundimin e Ligjit në Republikën e Kosovës, figuron si i shfuqizuar, KPK-ja ka kërkuar nga Kuvendi i Kosovës që të japë sqarim apo interpretim nëse ky ligj është shfuqizuar në tërësi (pra për të gjitha ligjet e ndryshuara më ketë ligj) apo vetëm sa u përket dispozitave të Kodin të ri Penal të Kosovës”, vijon njoftimi.
Në reagim thuhet se meqenëse deri më tani, KPK-ja nuk ka pranuar ndonjë sqarim apo interpretim të Kuvendit, ende nuk kanë mundur që ta miratojnë ketë rregullore, e cila sipas KPK-së konsiderohet si njëra ndër rregulloret më të rëndësishme të sistemit prokurorial.
Në këtë kontekst nuk qëndrojnë pretendimet e paraqitura në dy shkrimet e publikuara në media se Këshilli Prokurorial i Kosovës po e neglizhon tërësisht rëndësinë e miratimit të Rregullores për ndryshimin dhe plotësimin e Rregullores për emërimin e kryeprokurorëve apo që me Rregulloren e re tentohet të eliminohen kandidatë të caktuar nga gara për kryeprokuror special, sepse KPK-ja në bashkëpunim me partnerët ndërkombëtarë është duke punuar në vazhdimësi për hartimin e kësaj rregulloreje dhe nuk ka synim për të eliminuar kandidatët e mundshëm për kryeprokuror, përkundrazi, dëshiron që t’u japë mundësinë të gjithë prokurorëve që i plotësojnë kushtet ligjore për pozitën e kryeprokurorit në secilën prokurori. Megjithatë, fillimisht është e domosdoshme që të eliminohen të gjitha dilemat lidhur më ligjin, që duhet të zbatohet në këto raste”, përfundon njoftimi./Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit