Fury e vizitoi Schwarzin në zhveshtore pas nokautit që ia bëri në raundin e dytë

Tyson Fury ka shkuar në zhveshtoren e Tom Schwarz menjëherë pasi e nokautoi, duke e ftuar atë që të stërviten së bashku në Angli.

Boksieri britanik arriti të shënonte fitoren e 28 në karrierën e tij, por edhe që debutoi në Amerikë me fitoren spektakolare ndaj gjermanit.

Fury arriti që ta fitojë ndeshjen pas dy nokauteve në raundin e dytë në përballjen e zhvilluar në mëngjesin e sotëm (e diel) në MGM Grand Garden Arena.

This is amazing ❤️

Tyson Fury and Ben Davison went into Tom Schwarz's dressing room after the fight..

"You came to win and that stands for a lot."

"Your son done a good job, you should be proud!"

"I'll try and get you on my next card, I'd like you to come train with me." 👏 pic.twitter.com/IzQlJNERcT

— Boxing on TNT Sports (@boxingontnt) June 16, 2019

Pas përballjes, ‘Gypsy King’ së bashku me trajnerin e tij, Ben Davison, e kanë vizituar Schwarzin në zhveshtore.

“Pas meçit kam shkuar ta vizitoj Tomin (Schwarz) në zhveshtoren e tij dhe e kam ftuar që të stërvitet me mua në Angli”, ka thënë pas meçit Fury.

Lexo po ashtu Fury vazhdon si i pamposhtur, triumfon me nokaut teknik ndaj Schwarzit pas vetëm dy raundeve

“Faleminderit Amerikë, Zoti qoftë me ju të gjithë! Qëllimi ishte që të kënaqesha duke boksuar dhe ajo gjë ndodhi”, ka vazhduar më tej britaniku në intervistën e tij në BT Sport.

Kjo fitore ndaj gjermanit, do ta motivojë edhe më shumë Furyn që do të ripërballet me Deontay Wilderin në fillim të vitit 2020. /Telegrafi/