Haradinaj i reagon Vuçiqit: E pakuptimtë të vihet në mbrojte të krimit

Kryeministri i Republikës së Kosovës, Ramush Haradinaj, ka thënë se është i pakuptimtë reagimi i presidentit të Serbisë Aleksandar Vuçiq për aksionin e sotëm në veri të vendit.

Për Haradinajn, një reagim i tillë është mbrojtje e krimit.

Lexo po ashtu Vuçiq përhap panik: Serbët në Kosovë, të shqetësuar si kurrë më parë

“Është një operacion në shkallë të vendit, është i drejtuar ndaj personave që janë të involvuar në vepra të paligjshme. Është krejtësisht zbatim i ligjit. Policia e Kosovës ka zbatuar obligim ligjor. Në Zubin Potok ka pasur tentativa prej trafikantëve që me armë zjarri ta pengojnë këtë operacion. Policia e Kosovës është e aftë ta kryejë detyrën e vet. Është për admirim puna e Policisë së Kosovës. Ne nuk mundemi të shkojmë në BE duke e përkrahur krimin. Është i padrejtë si reagim, dhe është e pakuptimtë me u vë në mbrojtje të krimit”, tha ai.

Lexo po ashtu Arrestimet në veri të Kosovës, Vuçiq mbledh Këshillin e Sigurisë Kombëtare

Sa i përket arrestimit të një shtetasi rus, gjatë operacionit të sotëm, ai tha se me gjithë se respektojnë imunitetin e përfaqësuesve të organizatave ndërkombëtare, kur një person rrezikon vendin, atëherë duhet të zbatohet ligji në bazë të konventave ndërkombëtare.

“Dihet cila është agjenda e Rusisë ajo e destabilizimit dhe ne jemi të vëmendshëm për këto agjenda duhet punuar kundër këtyre agjendave dhe jemi të suksesshëm, nuk ka vend që nuk zbatohet ligji ne Kosovë”, tha i pari i qeverisë. /kp/Telegrafi/