Parashikimet e Qeverisë së Maqedonisë së Veriut në ekonomi, larg realizimit
Qeveria e Maqedonisë së Veriut po përballet me kritika lidhur me ngecjet në zhvillimin ekonomik, varfërinë, rritjen e rasteve sociale si dhe largimin e popullatës në vendet evropiane, në veçanti të kuadrit të kualifikuar.
Sipas opozitës, vendi ndodhet i fundit në rajon, jo vetëm për nga zhvillimi ekonomik, por edhe standardi i qytetarëve të cilët sipas OBRM-PDUKM-së marrin pagat më të ulëta krahasuar me të gjitha shtetet e rajonit.
“Politika e (kryeministrit të Maqedonisë së Veriut) Zoran Zaevit bazohet në gënjeshtra dhe në drejtim të mbrojtjes së korrupsionit dhe krimit që ka përfshirë radhët e pushtetit. Ekonomia e vendit këtë vit do të jetë me e keqja në rajon, kurse borxhi publik po rritet dhe këtë vit do të arrijë shifrën rekorde prej 53.4 për qind të Bruto Prodhimit Vendor. Rritja ekonomike sipas parashikimit të Bankës Botërore nuk të sillet në rreth 2.9 për qind apo edhe më pak”, ka deklaruar Naum Stoilkovski nga OBRM-PDUKM-ja.
Pas përfundimit të zgjedhjeve presidenciale, ministrat e Qeverisë së kryeministrit, Zoran Zaev janë vënë në presion për shpenzimin e mjeteve të parapara për investime kapitale, pasi tremujori i parë i vitit është mbyllur me vetëm 6 për qind harxhime nga rreth 400 milionë euro.
Por, ministri i Financave, Dragan Tevdovski hedh poshtë akuzat se nuk është bërë asgjë në ekonomi, por në anën tjetër kërkon angazhim nga resorët e tjerë.
“Absolutisht ka përmirësim të investimeve kapitale. Ne si Ministri e Financave do të kërkojmë nga të gjitha ministritë e tjera që t’i përkushtohen me ngulm realizimit të parashikimeve në sferën e investimet dhe besoj se rezultatet nuk do të mungojnë”, thotë Tevdovski.
Nga Banka Popullore kanë tërhequr vërejtjen se pa realizimin e investimeve kapitale vështirë se do të realizohet rritje ekonomike e projektuar në 3.2 për qind, ndërsa me qëllim të shpërndarjes së mjeteve buxhetore në sfera të caktuara, kryeministri Zaev ka paralajmëruar një rishikim të buxhetit deri nga mesi i vitit.
Ekspertët që këshillojnë politikat e Qeverisë thonë se ajo më nuk ka alibi që dështimet në sferën e ekonomisë t’i arsyetojë me kriza politike apo për këtë të akuzojnë opozitën. Fatmir Bytyçi, njohësi çështjeve të ekonomisë dhe këshilltar i jashtëm i kryeministrit Zaev, thotë se fokusi i ekzekutivit duhet të përqendrohet në sundimin e ligjit dhe luftën kundër korrupsionit, si dy sfera kyçe që ndikojnë në zhvillimin ekonomik.
“Mendoj se parakushtet nga aspekti politik të obstruksioneve të ndryshme të cilët i kishin në periudhën e kaluar janë eliminuar dhe mendoj se nuk duhet të ketë arsyetime të mëtutjeshme. Kohë për eksperimente mendoj se vendi nuk ka. Tani duhet të tregohen rezultate dhe të dëshmohet se kjo Qeveri ka kapacitet për të dhënë rezultate”, thotë Bytyçi.
Sa i përket dështimeve në investimet kapitale ai thotë se kjo më tepër ka të bëjë me mungesën e kuadrit dhe procedurat pa kriter që janë udhëhequr, e që tani janë eliminuar si pengesa./REL/
Lufta Prigozhin - Putin
Më shumëNga Rubrika
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
A po e kushtëzon Sllovenia Kosovën me Asociacion për t’u bërë pjesë e Këshillit të Evropës – flet presidentja Pirc Musar
Një shtetas nga Serbia është mashtruar në Shkup, i kanë marrë 300 euro për një aksident të rremë
Çfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë