Karriera dhe trofetë e fituar nga Xavi – legjenda pensionohet nga futbolli

Mesfushori legjendar, Xavi Hernandez ka luajtur zyrtarisht ndeshjen e tij të fundit si futbollist profesionist, duke u larguar pas 20 vitesh karrierë.

Në fillim të këtij muaji, ikona e Barcelonës bëri me dije se ky është sezoni i tij i fundit, ndërsa dje zhvilloi ndeshjen e fundit në finale që Al Sadd u përball me Persepolis në Ligën e Kampionëve të Azisë.

Kapiteni i ndeshjes në stadiumin Azadi, Xavi ishte i pafuqishëm që ta ndalonte skuadrën e tij nga humbja 2-0, por ishte një pamje madhështore kur ai u zëvendësuar, me të gjithë të pranishmit në këmbë duke e duartrokitur.

Capture this: Xavi Hernandez is retiring in the Azadi Staidum. Who would have thought? pic.twitter.com/TkkQtIRXqa

— BabaGol (@BabaGol_) May 20, 2019

Mesfushori spanjoll ishte pjesë e akademisë së katalunasve ndërsa debutoi në La Liga në ndeshjes ndaj RCD Mallorca.

Që nga ajo kohë, ai bëri 500 paraqitje në fanellën e blaugranëve dhe fitoi 25 trofe të mëdhenj, përfshirë tetë tituj të La Liga-së, tri Kupa të Mbretit, gjashtë Superkupa të Spanjës dhe katër Liga të Kampionëve.

Një gjeni i futbollit që fatkeqësisht nuk arriti ta fitonte Topin e Artë, ka fituar edhe Kupën e Botës e Kampionatin Evropian në 133 paraqitje për Kombëtaren e Spanjës.

نادي #بيرسبوليس الإيراني يكرم الأسطورة #تشافي هيرنانديز قائد الزعيم في مباراته الأخيرة كلاعب ضمن مباراة الفريقين بالجولة السادسة من #دوري_أبطال_آسيا#بيرسبوليس_السد@theAFCCL_ar @qatarairwaysar @PersepolisFC pic.twitter.com/OZzeizMNih

— AlSadd S.C | نادي السد (@AlsaddSC) May 20, 2019

Xavi ka luajtur vitet e fundit në Katar, pas largimit nga Barcelona në vitin 2015, ku e kishin fituar tripletën.

Tani në moshën 39-vjeçare, ai është pensionuar nga futbolli për t’u bërë trajner, me AS që raporton se Xavi ka qenë në Madrid për ta kompletuar licencën nga UEFA.

Legjenda spanjolle është duke planifikuar që ta fillojë karrierën si trajner në Katar, por që nuk ka hezituar të zbulojë dëshirën e tij që një ditë të rikthehet te Barcelona si trajner.

“Tani e filloj karrierën nga zero, nuk mund të filloj me një Ferrari apo me një anije të sofistikuar, duhet të marrë një anije të vogël, një makinë të vogël, ta testoj veten, të fitoj eksperiencë dhe them po, objektivi im është që të rikthehem te Barcelona, por unë jam i qetë”., ka thënë Xavi për Efe. /Telegrafi/

📸 [@EduPolo] | The first and the last image of Xavi as a footballer pic.twitter.com/iing1sWqxf

— BarçaTimes (@BarcaTimes) May 20, 2019