Mos respektimi i masave të domosdoshme për siguri dhe shëndet në punë është bërë fenomen shqetësues në Kosovë, sidomos në sektorin e ndërtimtarisë.
Vetëm në katër muajt e parë të këtij viti, 4 punëtorë kanë humbur jetën dhe mbi 25 të tjerë kanë pësuar lëndime në vendet e tyre të punës.
Sipas zëvendëskryeinspektorit të Inspektoratit të Punës në Kosovë, Agim Millaku, është në të mirën e punëmarrësve që të marrin masat adekuate për t’i mbrojtur punëtorët e tyre.
“Në rast të ndonjë aksidenti, dëmet janë shumë më të mëdha për punëdhënësin sesa kursimi që ka tentuar ta bëjë duke mos i blerë pajisjete nevojshme për mbrojtje të punëtorëve”, është shprehur Millaku në Ferizaj, në tryezën e rrumbullakët me temën “Rëndësia e sigurisë në punë”.
Besnik Berisha, zëvendësministër i Punës dhe Mirëqenies Sociale, në tryezën e rrumbullakët me bizneset dhe organizatat jo qeveritare të Ferizajt, ka deklaruar se është i domosdoshëm një dialog i hapur social në mes të bizneseve dhe punëtorëve që të ulet shkalla e lëndimeve dhe aksidenteve me fatalitet në vende të punës.
“Është zotim i yni që brenda këtij viti të rrisim numrin e inspektorëve dhe besoj se deri në fund të vitit do t’i kemi edhe 20 inspektorë të rinj. Përmes IP-së synojmë rritjen e numrit të inspektimeve, fuqizimin e kapaciteteve të inspektoratit të punës dhe organizimin e fushatave vetëdijesuese në fushën e kushteve të punës”, është shprehur Berisha, përcjell Telegrafi.
Në bazë të Ligjit për Siguri dhe Shëndet në Punë, tashmë është obligim për secilën kompani që ka mbi 50 punëtorë, të ketë së paku një ekspert për vlerësim të sigurisë dhe shëndetit në punë.
Bekim Doli, ekspert për siguri dhe shëndet në punë, ka inkurajuar kompanitë kosovare që të investojnë më shumë në pajisje të sigurisë dhe trajnim të punëtorëve, në mënyrë që të eliminohen rreziqet në punë.
“Ndërtimi është aktivitet ku lëndimet janë të shpeshta dhe të përditshme, dhe numri i tyre është gjithnjë e më i lartë. Ndërtimtaria prin si sektori me numrin më të madh të lëndimeve dhe vdekjeve në punë si pasojë e pasigurisë, që vjen kryesisht nga mungesa e trajnimit të punëtorëve dhe nga mosrespektimi i rregullave bazë të sigurisë në punë”, ka thënë Doli.
Kjo tryezë e rrumbullakët është organizuar në kuadër të projektit “Përkrahje për komunikim në procesin e integrimit evropian” që financohet nga zyra e Bashkimit Evropian në Kosovë, në bashkëpunim me Ministrinë e Integrimit Evropian.
Promo
Reklamo këtuLufta Prigozhin - Putin
Më shumëAplikimet estetike janë më të sigurta në duar me përvojë
"Holiday In 2” ofron stilin e jetesës që ju meritoni
RIT Kosovo (A.U.K) organizon ngjarjen vjetore Gala Dinner - “Support Kosova’s Next Success Story”
Besim Ramadani, personazh inspirues dhe shembull që duhet ndjekur
Apsurdi BSPK
Importuesi nga SHBA-ja: Devolli Corporation me standarde amerikane
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Në vitin 2017 punonte në ndërtimtari, ndërsa tani ftohet nga Kroacia për në Euro 2024: Kush është Marco Pasalic
I akuzuari: Bashkë me familjen kam mbi 10 milionë euro pasuri, s’kam pasur nevojë të pastroj para
Spahiu: Në shtator nis seria e vrasjeve hakmarrëse të kriminelëve, porosi nga Dubai
Aksioni i Policisë në veri, u konfiskuan rreth 75 milionë dinarë, 1.6 milion euro, dollarë e franga
Gjyqtari përdori një rregull që pak kush e njeh në boks gjatë humbjes së Furyt nga Usyk
Shtëpia e Bardhë: Presidenti iranian 'kishte gjak në duart e tij'