Kryeministri i Kosovës, Ramush Haradinaj, ka bërë thirrje për unitet dhe vigjilencë, duke thënë se Rusia po përpiqet të rrisë ndikimin e saj në rajon, përmes krijimit të asociacionit të komunave me shumicë serbe.
Ai këto komente i bëri në një akademi përkujtimore kushtuar Betejës së Çabratit, në të cilën u flijuan dhjetëra dëshmorë e martirë të kombit.
“Si sot, 20 vjet më parë, më 7 maj nisi beteja e Çabratit, e para betejë urbane e UÇK-së, e cila zgjati deri më 9 maj duke u përfshirë në luftime edhe Brigada 137 Gjakova, e cila dha 21 dëshmorë si dëshmi se lufta për liri po merrte karakter gjithëpërfshirës. Gjatë këtyre tri ditëve forcat serbe, pas humbjeve që pësuan, u hakmorën barabarisht ndaj 87 civilëve shqiptarë duke i vrarë ata”, tha Haradinaj.
Ai shprehu zotimin e institucioneve të Kosovës të kërkojnë zbardhjen e fatit të të pagjeturve dhe daljen para drejtësisë së autorëve që kryen krimet e tmerrshme gjatë luftës, ndërsa përsëriti se njohja e Kosovës nga Serbia do të ishte hapi i parë drejt pajtimit dhe heqjen e taksës.
I pari i Ekzekutivit tha se Kosova mbetet e përkushtuar në rrugën e saj euroatlantike dhe njëherësh pamundëson shtrirjen e ndikimit dhe interesave të Rusisë në rajon, dhe se janë të përkushtuar që Serbia të mos arrijë në lumin Ibër përmes formimit të “Dodik Republikës”, duke iu referuar Republikës Serbe në Bosnje.
“Dodiku është problemi më i madh i rajonit, i cili mendon se me Putinin do t’i zgjidhë problemet në Ballkanin tonë. Ne do të jemi të vendosur sikurse kemi qenë, sikurse e kemi penguar ndarjen e Kosovës që të pengojmë influencën e Rusisë përmes një Dodik Republike, siç është tani një asociacion i komunave me kompetenca që mundësojnë prezencën dhe ndërhyrjen e mëtejme në jetën tonë të brendshme, jo të Serbisë, por të Rusisë”, tha Haradinaj.
Ndërsa, komandanti i Brigadës 137 Gjakova, Agim Kryeziu, ka vlerësuar rolin e rëndësishëm të betejës së Çabratit për lirinë e Kosovës, ndërsa ka evokuar edhe momente nga koha e hyrjes së pjesëtarëve të UÇK-së në Gjakovë.
“Me të vërtetë ishte një mision mjaft i vështirë. Ne u betuam se do të hymë brenda dhe të vdesim të gjithë vetëm për të qenë sa më afër qytetarëve tanë dhe në të njëjtën kohë kishim krenari se me të vërtetë ishim mjaft të zot dhe dhamë gjithçka nga vetja për lirinë e Kosovës”, tha Kryeziu.
Një fjalë rasti në këtë akademi mbajti edhe kryetari i Komunës së Gjakovës, Ardian Gjini, i cili tha se masakrat serbe në Gjakovë janë ndërprerë pas hyrjes së forcave të UÇK-së brenda në qytet, ndërsa përkujtoi edhe një mesazh të asaj kohe.
“Kur 137 e ka bërë luftën në Gjakovë, ka qenë një mesazh interesant Serbisë, se nëse dëshirojmë të vdesim është qysh dëshirojmë ne e jo qysh doni ju. Ky ka qenë mesazhi i asaj pushke”, tha Gjini.
Ndryshe, në nderim të të rënëve dhe personave të pagjetur Komuna e Gjakovës kohë më parë ka mbjellë 110 fidanë në emër të tyre.
Në Betejën e Çabratit kanë rënë 7 dëshmorë dhe 41 civilë, ndërsa nga forcat kriminale serbe kanë rrëmbyer dhe zhdukur 43 qytetarë të kësaj lagjeje./Kp/Telegrafi/
Lufta Prigozhin - Putin
Më shumëNga Rubrika
Kupchan: Shfaqja e muskujve para SHBA-së e ndihmojnë Kurtin për popullaritet, por është lojë e rrezikshme
RMV do të dërgojë ekipe shpëtimi në Bosnje për të ndihmuar qytetarët e prekur nga përmbytjet
Çfarë pritet të ndodhë në protestën e opozitës? Berisha zbulon detaje
Shefi i Zjarrfikësve jep detaje nga aksidenti tragjik në Liqenin e Badovcit: Dy trupa u gjetën në ujë, një në veturë
Viktimat e aksidentit tragjik ishin rreth moshës 20 vjeç, kryeprokurori Gashi: Dy janë identifikuar - njëri ende jo
Sveçla reagon pas aksidentit tragjik në Badovc: Ekspertët janë duke bërë hetimet, qytetarët të vozisin me kujdes
Nagavci: Familjeve që nuk kanë mundësi financiare, do t’ia mbulojmë pagesën e çerdheve
Mbi 3 mijë paketime me produkte të skaduara konfiskohen nga Dogana e Kosovës
Nga Mali i Zi në Kosovë: Historia e mjekes që u bë dorë e zgjatur për shumë gra
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit