Sport Futboll Ndërkombëtare

Analizë dhe parashikim: Tottenham – Manchester City

Para 6 vitesh

Është momenti i çerekfinales në Ligën e Kampionëve. Tottenham Hotspurs dhe Manchester City do të luajnë tri ndeshje të njëpasnjëshme gjatë 11 ditëve.

Vendi: White Heart Lane, Londër

Koha: E martë, 9 prill, 21:00

**Stadiumi i ri i Totenhamit ka kapacitet prej 62062 ulësesh**

Lajmet rreth ekipeve

Tottenham

Mauricio Pochettino është duke përpjekur që të përshtatet me Fernando Llorenten gjersa Eric Dier, Serge Aurier dhe Erik Lamela nuk do të lujanë.

Tottenham nuk kanë luajtur gjatë fundjavës kështu që kanë një përparësi pasi që lojtarët e londinezëve janë të pushueshëm.

Pochettino do të duhet se me kë do të startojë në 11-she, Son Heung-Min apo Lucas Moura, të cilët janë në formë të mirë.

Sidoqoftë, shefi i Spursave mund ta angazhojë Harry Winksin sërish në mesfushë dhe të luajë në mbrojtje me tre lojtarë, e cila gjë do të bënte Dele Allin që të jetë në rolin mbështetës në sulm me Harry Kanen.

Manchester City

Pep Guardiola nuk do ta ketë në dispozicion Oleksandr Zinchenkon dhe Fabian Delphin kundër Tottenhamit gjersa Benjamin Mendy ka luajtur 79 minuta në gjysmëfinalen e FA Cup, por pritet që në krahun e majtë të startojë Aymeric Laporte.

Kjo do të thotë që John Stones, Nicolas Otamendi dhe Vincent Kompany do të luftojnë për të dy vende në qendër të mbrojtjes.

Më tej, Guardiola do t’i japë Sergio Agueros çdo mundësi për të provuar aftësinë e tij gjersa Bernardo Silva mund të nisë startojë në krahun e djathtë të sulmit ndërsa nuk dihet se kush do të startojp – Leroy Sane apo Riyad Mahrez.

Claudio Bravo është rikthyer prej lëndimit, por Arijanet Muriqi do të jetë portieri i dytë. Kyle Walker do të përfshihet në skuadër për t’u përballur me ish-skuadrën e tij pasi që kishte dyshime për një lëndim gjatë fundjavës.

Fakte

Janë shënuar mbi 2.5 gola në 13 ndeshjet e fundit të Man City (UEFA Champions League).
Man City ka shënuar të paktën dy gola në shtatë ndeshjet e fundit (UEFA Champions League).
Man City ka fituar në pjesën e parë dhe me kohën e plotë në katër ndeshjet e fundit kundër Tottenhamit në të gjitha garat.
Man City ka fituar gjashtë nga shtatë ndeshjet e fundit (UEFA Champions League).
Man City ka fituar katër ndeshjet e fundit kundër Tottenhamit në të gjitha garat.
Tottenham janë të pamposhtur në gjashtë ndeshjet e fundit (UEFA Champions League).

Analizë

Tottenham korri fitoren e parë në një ndeshje zyrtare në stadiumin e tyre të ri dhe skuadra londineze shpreson të vazhdojë suksesin kur të mirëpresin Manchester Cityn.

Në Ligën e Kampionëve, Spursat janë të pamposhtur në gjashtë, duke fituar katër nga pesë të fundit, të cilat përfshinë një fitore shumë mbresëlënëse 3-0 kundër Borussia Dortmundit në Wembley.

Manchester City është në ndjekje të suksesit të katërfishtë në të gjitha garat. Fitorja ndaj Brightonit zgjati numrin e fitoreve në 14 ndeshje dhe kanë arritur një rekord kundër Tottenhamit, duke fituar katër takimet e tyre të fundit.

Do të ketë një atmosferë të ashpër në stadiumin Hotspur të Tottenhamit në mesjavë, por Citizens kanë një ekip të mirë për të siguruar një avantazh.