OBRM-PDUKM: Në uniformat e orkestrës së Maqedonisë nuk kishte emër

Në orkestrën filarmonike të Maqedonisë, ku koncert mbajtën orkestrat e ushtrive të Shteteve të Bashkuara, Britanisë së Madhe, Sllovenisë, Greqisë dhe Maqedonisë, përsëri munguan simbolet shtetërore. Uniformat e paradës së Maqedonisë nuk e kishin emrin shtetëror Maqedoni, thonë nga OBRM-PDUKM.

“Orkestrat ushtarake të vendeve të tjera që vepronin së bashku me të Maqedonisë mbanin me krenari emrin e shteteve të tyre në uniformat e tyre, vetëm grupi ushtarak i Maqedonisë jo. Ky është një tjetër turp i madh për shtetin dhe popullin e Maqedonisë, një tjetër poshtërim nga Zaev dhe ndjekësi i tij Pendarovski, nga ministrja e Mbrojtjes, Radmilla Sheqerinska dhe LSDM. Pushteti hesht për ditën e dytë nëse është ndryshuar tërësisht Urdhri i shenjtë i përfaqësimit të Ushtrisë së Republikës së Maqedonisë. Nëse nuk është ndryshuar, do të vijë dita që të përgjigjen për shkeljet e djeshme”, thonë nga opozita.

Nga OBRM-PDUKM thonë se në krye të Maqedonisë nuk mund të qëndrojnë njerëz të cilët turpërohen dhe nuk respektojnë atë që është maqedonase./Telegrafi/