Nesër vazhdojnë negociatat për të ardhmen e PSP-së, qëndrimet e kundërta vlerësohen si shqetësuese

Për nesër në orën 15:00 është planifikuar vazhdimi i negociatave mes partive politike për Ligjin e ri për Prokurorinë Publike, me të cilin do të zgjidhet edhe statusi i ardhshëm i Prokurorisë Speciale.

Në lidhje me raundin e katërt të bisedimeve, ish-kryetari i Gjykatës së Lartë Dane Iliev, për Kanal5 vlerëson se qëndrimet e kundërta mes pushtetit dhe opozitës janë shqetësuese, përcjell Telegrafi Maqedoni.

Sipas Ilievit është e pakuptueshme që në procedurat hetimore të ardhshme, “bombat” të mos përdoren si dëshmi në proceset gjyqësore.

Ai thotë se problemi me praninë e krimit të lartë dhe korrupsionit nuk do të zgjidhet vetëm me ekzistimin e PSP-së, por negociatat të vazhdojnë edhe në formimin e Gjykatës Speciale për gjykimin e këtij krimi.

Ndryshe, sjellja e Ligjit për Prokurorinë Publike është një nga pikat kyçe për fillimin e negociatave me Bashkimin Evropian, ndërsa përveç opozitës maqedonase në bisedime janë përfshirë edhe Aleanca për Shqiptarët dhe Lëvizja Besa./Telegrafi/