Zgjedhjet në Turqi, përfundon procesi në 32 provinca

Ka përfunduar procesi i votimit në 32 nga gjithsej 81 provinca të Turqisë në të cilat po votohet për zgjedhjet lokale.

Kujtojmë se vendvotimet e mbyllura u hapën në ora 7:00 sipas kohës lokale.

Në provincat tjera ku vazhdon procesi i votimit, vendvotimet u hapën në ora 8:00 sipas kohës lokale dhe do të mbyllen në ora 17:00.

Në zgjedhjet e sotme, rreth 57 milionë votues kanë të drejtën të hedhin votën e tyre në 194.390 vendvotime.

Lexo po ashtu Mbahen zgjedhjet lokale në Turqi

Sipas vendimit të Këshillit të Lartë Zgjedhor të Turqisë (YSK), në këto zgjedhje garojnë 12 parti politike.

Siç raporton AA, votuesit në Turqi do të zgjedhin kandidatët për kryetarë të komunave, përfaqësues të fshatrave ose njësive të vogla administrative (Muhtar), anëtarë të këshillave komunalë, anëtarë të këshillave të përgjithshëm provinciale, si dhe anëtarë të këshillave dhe asambleve të fshatrave.

Numërimi i votave do të fillojë pas përfundimit të procesit të votimit, pas orës 16:00 dhe 17:00.

Zgjedhjet e fundit lokale u mbajtën në vitin 2014. /Telegrafi/