Kryetari i SBASHK-ut, Rrahman Jasharaj, ka thënë se nesër nuk do të ketë kompensim të orëve. Në një prononcim për Telegrafin, ai ka theksuar se qëndrimi i SBASHK-ut për kompensimin e orëve mbetet i njëjtë, se nuk do të ketë kompensim. Sipas tij, nga nesër fillon pushimi pranveror dhe siç theksoi presin që nxënësit të kthehen me energji të reja.
“Qëndrimi ynë mbetet i njëjtë sepse ne e respektojmë vendimin e Këshillit Drejtues, si organi më i lartë në mes dy kongreseve i SBASHK-ut. Vendimi është i prerë, kompensim të orëve të humbura nuk ka. Ajo që dihet është se nesër fillon pushimi pranveror. Ne iu dëshirojmë fëmijëve pushim dhe vikend të këndshëm, dhe presim që pas pushimit të kthehen me energji të reja”, ka thënë ai.
Jasharaj theksoi se paralajmërimi për grevë nga SBASHK-u mund të ndodhë nëse i’u bëhet presion mësimdhënësve për kompensim.
“Paralajmërimin për grevë e kemi dhënë nëse do të ketë presione të vazhdueshme mbi mësimdhënësit e Kosovës, se ata obligativisht, apo me urdhra të shkojnë në shkollë. Në të tilla situata ne do të reagojmë, dhe nëse presionet e tilla vazhdojnë ne do ta rikthejmë grevën, sepse ne grevën vetëm e kemi pezulluar, nuk e kemi mbyllur. Greva mund të riaktivizohet pas presioneve ndaj mësimdhënësve”, ka deklaruar ai.
Sipas tij drejtoritë arsimore dhe drejtorët e shkollave nuk duhet tu bëjnë presione mësimdhënësve.
“Drejtoritë arsimore dhe drejtorët e shkollave kanë marr një detyrë të gabueshme, sepse vendimi është i ministrit. Ata duhet të kujdesen që të jenë sa më afër mësimdhënësve e të mos bëjnë presione, ngase vendimi i ministrit tani më nuk bazohet në ligj. Për këtë SBASHK-u e ka dërguar padinë në Gjykatë, dhe ne do të veprojmë në bazë të vendimit që do të sjell institucioni i drejtësisë”, është shprehur ai.
Telegrafi ka kontaktuar Ministrinë e Arsimit Shkencës dhe Teknologjisë për të marrë një prononcim lidhur më këtë, por nuk ka marrë përgjigje.
Ndërsa në kalendarin për vitin shkollor 2018/2019, pushimi pranveror figuron nga data 01.04.2019-05.04.2019.
Kurse Kuvendi i Kosovës të enjten ka mbajtur seancë të jashtëzakonshme për kompensimin e orëve të humbura. Shefi i grupit Parlamentar të Nisma socialdemokrate, njëherësh propozuesi për mbajtjen e kësaj seance Bilall Sherifi, ka thënë se si Kuvend nuk po e urdhërojnë askënd, por duan të gjendet një zgjidhje në mënyrë që nxënësit mos të humbin.
Për shkak të mungesës së kuorumit, kjo seancë nuk ka mundur të votojë projekt rezolutën për kompensimin e orëve të humbura nga SBASHK-u./Telegrafi/
Promo
Reklamo këtuLufta Prigozhin - Putin
Më shumëKurti: Kushtëzimi i anëtarësimit në KiE me Asociacionin është absurd
Deputeti gjerman: Ndërlidhja e Asociacionit me anëtarësimin e Kosovës në KiE do të ishte gabim i rëndë, shtetet perëndimore nuk mësuan nga gabimet e së kaluarës
Flet neuropsikiatri që trajtoi nënën që dyshohet se u vetëvra duke u hedhur në lumin Buna me tre fëmijët
Kusari-Lila e shqetësuar pasi i akuzuari që e kanosi arrin marrëveshje me prokurorinë për pranim të fajësisë
The Telegraph: Një në tre gra britanike ndihet e trishtuar, më keq se ato në Kosovë e në Arabinë Saudite
Gjashtë të lënduar nga aksidenti në Prishtinë, fotografi nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?