Veseli: Ekonomia e Kosovës do zhvillohet atëherë kur nuk ka kundërthënie ndërmjet përfaqësuesve institucional

Kryetari i Kuvendit të Kosovës, Kadri Veseli, tha se tha nëse nuk ka kundërthënie mes përfaqësuesve institucional, atëherë vendi ynë mund të ketë një ekonomi konkurruese.

Veseli këto komente i bëri në konferencën “Dialogu publik-privat në funksion të zhvillimit të sektorit privat”, që po mbahet në ambientet e Kuvendit të Kosovës.

“Këtu bashkërisht si përfaqësues të bizneseve jemi këtu për të diskutuar dhe për të bërë përpjekjet publike për modernizimin e ekonomisë së Kosovës. Nëse ne kemi partneritet dhe jo kundër thënie mes përfaqësuesve të Republikës së Kosovës ne mund të kemi një ekonomi shumë më konkurruese”, tha Veseli.

Ai tha se i mangët po i duket edhe bashkëpunimi mes odave ekonomike si dhe institucioneve të Kosovës.

“Kam pritur më shumë prej odave ekonomike që të jenë influencues duhet ta them këtë që nuk kemi pasur sukses për shkak që ne politika dhe odat ekonomike nuk kemi mundur të merremi me u marrë vesh, për shkak që po bëjmë politika të thata dhe këto nuk na dërgojnë askund”, shtoi Veseli. /Telegrafi/