Trajneri i Bullgarisë, Hubchev: Na pret lojë e mundimshme dhe e vështirë, mosstërvitja në ‘Fadil Vokrri’ nuk është diçka e pazakontë

Trajneri i përfaqësueses së Bullgarisë, Petar Hubchev, ka folur për media para ndeshjes me Përfaqësuesen e Kosovës, e vlefshme për kualifikimet e ‘Euro 2020’.

55-vjeçari ka folur edhe për mungesën e lojtarit kryesor Kiril Despodov, ndërsa përkundër kësaj ai beson te fitorja pasi niveli i skuadrave është i njëjtë dhe vetëm Përfaqësuesja e Anglisë është mbi të gjitha.

“Ndjej shumë keqardhje për lëndimin e lojtarit, i gjithë ekipi i ka dal në përkrahje. Ai ka ardhur nga një lëndim shtatë mujor dhe është lënduar prapë”.

“Na pret një lojë e mundimshme, e vështirë , do të japim më të mirën për t’u kualifikuar në Evropian”.

“Presim një kundërshtarë të motivuar, kanë lojtarë të mirë dhe me eksperiencë ndërkombëtare. Kosova luan shumë mirë si ekip, kanë cilësi, luajnë lojë tipike që i takon këtij regjioni. Në ndeshjet e Ligën e Kombeve kemi vërejtur se disa lojtarë lodheshin”.

Lexo po ashtu Përfaqësuesja e Kosovës mbajti stërvitjen e fundit para ndeshjes me Bullgarinë

“Mosstërvitja në Fadil Vokrri? Kjo nuk është diçka e pazakontë dhe e kemi bërë shumë shpesh, arsyeja është se fluturimi është shumë i shkurtë, kemi qendrën tone stërvitore shumë të mirë dhe jemi munduar ta shfrytëzojmë në maksimum”.

“Ne mendojmë se favoriti kryesor i grupit është Anglia, ndërsa skuadrat tjera kanë një nivel”, ka thënë Hubchev.

I pranishëm në konferencë ishte edhe portieri Nikolay Mihaylov, i cili tregoi se kanë studiuar lojtarët e Kosovës dhe do tentojnë fitore: “Natyrisht e dimë se çfarë mund të presim nga lojtarët e Kosovës, ne do të japim maksimumin nga vetja për të nxjerrë më të mirën nga kjo ndeshje”. /Telegrafi/