Publikohen fotografitë e Keith Flint, të realizuara dy ditë para vdekjes

Gjatë të martës janë publikuar në internet disa fotografi të muzikantit Keith Flint, të realizuara dy ditë para se ai të bënte vetëvrasje.

Edhe pse në skenë, ylli i “The Prodigy” dukej si një rebel agresiv dhe nga pamja e tij frikësoheshin të rinjtë, imazhet e bëra para vdekjes së tij, shfaqin një anë tjetër të këngëtarit – transmeton Sky News.

https://www.instagram.com/p/Bumv3m0gpgq/

Ekipi i vrapuesve, Chelmsford Central Park, i ka publikuar fotografitë e Flintit që besohet se janë të fundit, ndërsa ishin bërë 48 orë para vdekjes.

Lexo po ashtu Nga paaftësia për të lexuar, garat me motoçikleta e deri te depresioni dhe vdekja – jeta dhe karriera e Keith Flint, yllit të "The Prodigy"

Sipas njoftimit të këtij ekipi, muzikanti kishte vrapuar pesë kilometra dhe të shtunën kishte arritur kohën e tij më të mirë, prej 21 minutash e 22 sekondash.

“Njëri nga vrapuesit tanë më të rinj në park mjerisht ndërroi jetë. Fatkeqësisht, ai nuk arriti ta shijonte vrapimin në park më shumë herë, por shpresojmë se e ka shijuar në tri vrapimet që i ka bërë në këtë park”, shkruan në faqen e Chelmsford Central Park në Instagram.

Kujtojmë që më 4 mars, pas shqetësimeve për mirëqenien e tij, ishte thirrur policia që ta vizitonte shtëpinë e muzikantit në Essex, ku ai u gjet i vdekur në moshën 49 vjeçare.

Policia nuk e ka trajtuar vdekjen si të dyshimtë, ndërsa anëtari i grupit, Liam Howlett, kishte shkruar në rrjetet sociale se muzikanti ka bërë vetëvrasje. /Telegrafi/