Reeker: Qëllimi jonë përkon me aspiratat e njerëzve të cilët jetojnë në rajon

Politikën të cilën e zbaton SHBA në Ballkan, me këtë dhe në vend, përkon me interesat dhe aspiratat e vendeve për anëtarësim në BE dhe NATO, tha ndihmës sekretari i SHBA-ve për Çështjet Evropiane dhe Euroaziatike, Philip Reeker, i cili po qëndron për vizitë në Republikën e Maqedonisë së Veriut.

Politika amerikane me gjenerata, tha ai, është që ta shikojë BE-në të kompletuar, të qetë dhe të lirë, ndërsa kjo e kyç dhe Ballkanin, rajonin i cili historikisht përballet me sfida, por në të cilin vitin e kaluar shikuam shumë përparim, përcjell Telegrafi Maqedoni.

“Qëllimi jonë përkon me aspiratat e njerëzve të cilët jetojnë në rajon. Vendet tjera ndoshta dëshirojnë që të rrisin ndikimin e tyre në Ballkanin Perëndimor, duke përfshirë edhe Maqedoninë e Veriut. Shtetet e Bashkuara janë mik i përkushtuar i të gjitha këtyre vendeve që kanë shprehur dëshirën për t’u bashkuar me BE-në dhe po punojnë për reformat dhe e shprehën dëshirën e tyre për t’u bërë anëtarë të NATO-s, e cila ndoshta është Aleanca paqësore e mbrojtjes më të suksesshme në botë”, tha Reeker gjatë takimit me kryeministrin Zaev.

Ai theksoi se marrëveshja e Prespës është një moment i rëndësishëm dhe pasi që është arritur ajo, shihet qartë rruga e Maqedonisë së Veriut që të bëhet anëtarja e 30-të e NATO-s.

Ndërsa kryeministri Zoran Zaev tha se Maqedonia qëndron partneri i besueshëm i SHBA-ve dhe se së bashku janë të fokusuar në sigurinë dhe zhvillimin pa pengesa në rajon./Telegrafi/