Lady Gaga sërish flet për performancën me Bradley Cooper në Oscar

Lady Gaga ka thyer heshtjen e saj për performancën intime në Oscar me Bradley Cooper dhe ka këmbëngulur se ka qenë vetëm aktrim.

“Njerëzit kanë parë dashuri dhe e dini si… ajo është çfarë kam dashur që ju të shihni. Kjo është këngë dashurie. Është filmi, “A Star is Born”, është një tregim dashurie”, ka thënë ajo.

“Nga perspektiva e performancës, ishte me rëndësi për ne që të jemi të lidhur gjatë gjithë kohës. Kur ju këndoni këngë dashurie, kjo është ajo që dëshironi që njerëzit të ndjejnë. Unë jam artiste. Mendoj se bëmë punë të mirë. Ju kemi mashtruar”, theksoi Lady Gaga.

Duke folur në emisionin “Jimmy Kimmel LIVE” të mërkurën, tri ditë pas paraqitjes që bëri gjithë botën të flasë për ta dhe relacionin e tyre, Gaga po ashtu ka postuar në Twitter dhe e ka quajtur social median një “toalet shoqëror”.

“Para së gjithash, social media është toaleti i internetit dhe ajo që bëhet në pop kulturë është abismale”, ka thënë Lady Gaga te Jimmy, duke goditur rrjetet sociale që lejon aq lehtë njerëzit të shpërndajnë dezinformata.

Kimia mes Gagas dhe Cooper pas performancës së tyre intensive të këngës “Shallow” në Oscar i ka lënë të gjithë gojëhapur dhe duke folur për ta, e kjo ka ndikuar në bashkëshortësinë e Bradleyt dhe Irina Shayk, që kanë dështuar që një ditë më vonë të ofrojnë një buzëqeshje.

Bradley Cooper dhe Irina Shayk kanë një vajzë nga martesa e tyre, Lea. /Telegrafi/