Qeveria e Maqedonisë kërkon nga NATO korrigjimin e përdorimit të gjuhës maqedonase

Qeveria e Maqedonisë ka dërguar letër deri në NATO ku kërkon korrigjime në lidhje me përdorimin e termit “gjuhë maqedonase” në faqen e internetit të Aleancës, përcjell Telegrafi Maqedoni.

Kjo sot u konfirmua nga kryeministri Zoran Zaev, pasi që të mërkurën pas transmetimit të drejtpërdrejtë nga nënshkrimi i protokollit, mundësia e përkthimit në gjuhën maqedonase u zëvendësua me flamurin e Maqedonisë, ndërsa përkthimet e tjera ishin standarde me terma të emëruar.

“Institucionet ndërkombëtare njohin gjuhën dhe identitetin maqedonas dhe besoj se me letrën që e dërguam do të korrigjohet. Ndonjëherë ndodhin gabime, ndoshta në pjesën e formulimit, ndonjëherë për të gjithë është një risi, por edhe për komunitetin ndërkombëtar është gjithashtu, është risi ajo që po ndodh në pjesën e Maqedonisë së Veriut – emri i ri i vendit tonë, e cila shpresoj se do të jenë në funksion pas votimit në Kuvendin grek. Për shkak se përdorimi i emrit të ri në vendin tonë, ndryshe nga çështjet e identitetit si maqedonas, të cilët flasim gjuhën maqedonase, ndërsa do të jemi nga Maqedonia e Veriut duhet të dallohet qartë. Ekzistojnë tashmë formularë, protokolle të përgatitura, ku kjo u shpjegohet edhe organizatave ndërkombëtare”, tha Zaev.

Ai theksoi se vendi ynë pas ratifikimit të protokollit duhet të dërgoj letër deri tek 193 anëtaret e OKB-së, ku do tu sqarohen aspektet e përdorimit të emrit të ri./Telegrafi/