Messi edhe me një rekord, hyn në ‘klubin e 800’

Barcelona u kualifikua për në çerekfinale të Copa del Rey pas fitores së mbrëmshme kundër Levantes me rezultat 3-0 (4-1).

Më i merituar për këtë fitore ishte Ousmane Dembele, i cili realizoi dy gola, por një tjetër performancë e madhe ishte nga ana e Lionel Messit.

Ai shënoi një gol dhe asistoi në dy golat e francezit duke bërë që të arrij edhe një rekord personale si futbollist profesional.

Argjentinasi në këtë formë ka arritur numrin e 575 golave dhe 225 asistime në fanellën e skuadrës katalunase.

Kjo është vetëm një nga arritjet e shumta të një prej futbollistëve më të mirë në histori, ku ka arritur të përfshihet në 800 raste të golave të blaugranave.

Por mbrëmë, performanca e Messit ndoshta nuk do të thotë asgjë për Barçën pasi për shkak të një gabimi administrativ të pabesueshëm nga ndeshja e parë, skuadra mund të eliminohet shkaku i të riut Juan Brandariz, i cili nuk kishte të drejtë që të paraqitej në takimin e parë me Levanten.

Lexo po ashtu Presidenti i Levantes, Quico Catalan: Do ta ankohemi në federatë, duam kualifikim në tavolinë ndaj Barcelonës

Brandariz ishte ndëshkuar me një ndeshje mos lojë me Barcelonën B dhe rregullat thonë se pezullimi vlen edhe për ekipin e parë.

Ndryshe, për shkak të një gabimi të ngjashëm, Real Madridi ishte përjashtuar gjithashtu nga Kupa në vitin 2015. /Telegrafi/

¡Otra marca redonda para el fenómeno! Leo Messi participó directamente en 800 goles del Barcelona, marcando 575 y asistiendo en 225 oportunidades. Llegó a esa cifra con el pase a Dembélé ante Levante por la Copa del Rey. pic.twitter.com/qcmHBcphOV

— SportsCenter (@SC_ESPN) January 17, 2019