Komisioneri për Zgjerim i Bashkimit Evropian, Johannes Hahn do të qëndroj sot pasdite për vizitë në Kosovë. Gjatë kësaj vizite, Hahn do të takohet vetëm me kryeministrin e vendit, Ramush Haradinaj.
E kjo vizitë siç duket po bëhet në vazhdën e presioneve që Bashkimi Evropian dhe Shtetet e Bashkuara të Amerikës janë duke i bërë Qeverisë së Kosovës për heqjen e taksës 100% ndaj produkteve serbe, sepse një veprim i tillë po konsiderohet nga faktori ndërkombëtar si pengesë për vazhdimin e dialogut me Serbinë.
Kështu ka vlerësuar Demush Shasha nga Instituti EPIK. Shasha në një prononcim për Telegrafin ka theksuar se pavarësisht presioneve nga BE-ja për heqje të taksës, nga ana e Qeverisë së Kosovës është parë qëndrim i prerë që taksa është një domosdoshmëri për të siguruar mbrojtjen e interesit nacional dhe levë presioni ndaj Serbisë në kuadër të përpjekjeve për normalizim të marrëdhënieve.
“Sa i përket zhvillimeve të fundit lidhura me arritjen e marrëveshjes me Serbinë, konsideroj që duhet respektuar me përpikëri rrugën juridiko-kushtetues të procesit për të ardhur deri te një konsensusi politik, dhe jo e kundërta. Në këtë drejtim, siç kemi komunikuar si institut, konsideroj se janë katër hapa kushtetues që duhet respektuar për të arritur deri te marrëveshja përfundimtare me Serbinë.
Fillimisht, Kuvendi duhet të votoj me 80 vota ekipin negociator, platformën negociuese dhe kufizimet e mandatit negociuese. Për të evituar çdo mundësi që territori jetë objekt i diskutimit në negociata në kuadër të kufizimeve të këtij mandati, Instituti EPIK konsideron se duhet të këtë një pikë të veçantë, si vijon: Asnjë institucion qendror kushtetues nuk ka të drejtë të negocioj çështje që kanë për objekt diskutimi territorin e Republikës së Kosovës”, ka thënë Shasha.
Ai ka shtuar se pas votimit të Ekipit negociator, platformës negociuese dhe kufizimit të mandatit negociues, Ekipi negociator ka për obligim që të zhvilloj negociatat nën kontroll të Kuvendit, ku pas çdo raundi negociatave është i obliguar të raportoj në seancë plenare të Kuvendit.
“Në fund procesit negociator, marrëveshja e negociuar duhet të ratifikohet në Kuvendin e Republikës së Kosovës me 80 vota të të gjithë deputetëve. Duhet nënvizuar që procesi i dialogut duhet të bazohet mbi një konsensus të gjerë politik dhe mbarë shoqëror, pasi që subjekti i trajtimit është një temë kaq e ndejshme siç është normalizimi i plotë i marrëdhënieve me Serbinë”, tha Shasha.
Ndërkaq, kryeministri Haradinaj sot ka theksuar se mirëpret çdo sugjerim apo këshillë nga komisioneri Hahn sa i përket taksës për produktet serbe. /Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe